မိခင်ဖြစ်သူကိုလာဖမ်းရာ မတွေ့သဖြင့် သားဖြစ်သူကို ဓားစာခံအဖြစ် ဖမ်းဆီးပြီးနောက် မိခင်ဖြစ်သူက သွားရောက် အဖမ်းခံသော်လည်း နှစ်ဦးစလုံးကို အကြမ်း ဖက်စစ်ကောင်စီက ချုပ်နှောင်ထားဆဲ ဖြစ်သည်ဟု ဖမ်းဆီးခံမိသားစုဝင်တစ်ဦးက ပြောသည်။
ထိုဖြစ်စဥ်မှာ ဧရာဝတီတိုင်း ဇလွန်မြို့နယ်၌ နိုဝင်ဘာ ၂ ရက် နံနက်ပိုင်းက စတင်ဖြစ်ပွားခဲ့ပြီး မြန်မာနိုင်ငံလေကြောင်းနှင့်အာကာသပညာတက္ကသိုလ်ကျောင်းသားတစ်ဦးဖြစ်သူ ကိုထိုက်လင်းဦးမှာ ကနဦး ဖမ်းဆီးခံခဲ့ရခြင်းဖြစ်သည်။
“အမေက တော်လှန်ရေး တက်ကြွလှုပ်ရှားသူဆိုပြီး လာဖမ်းတာ မတွေ့တော့ သားဖြစ်သူ ထိုက်လင်းဦးကို ဖမ်းတယ်။အမေ ဖြစ်သူလာဖမ်းခံရင် ပြန်လွှတ်မယ်ဆိုပြီး အခုတော့ နှစ်ယောက်စလုံးကို ဖမ်းလိုက်တယ်”ဟု ဖမ်းဆီးခံရသူများ၏ မိသားစုဝင်တစ်ဦးက ပြောသည်။
ကိုထိုက်လင်းဦး ဖမ်းဆီးခံရသည့် ရက်ညနေပိုင်းတွင် သားဖြစ်သူအဖမ်းခံရသဖြင့် မိခင်ဖြစ်သူမှာ သွားရောက်အဖမ်းခံခဲ့ခြင်းဖြစ်သည်။
Public Service Announcement
အဆိုပါဖြစ်ရပ်ကို မြန်မာနိုင်ငံလေကြောင်းနှင့် အာကာ သပညာက္ကသိုလ်ကျောင်းသားများသမဂ္ဂက ဆက်လက်စုံစမ်းနေကြောင်းလည်း ၎င်းတို့၏ လူမှုကွန်ရက်မှတစ်ဆင့် အသိပေးထားသည်။
အကြမ်းဖက်စစ်ကောင်စီအဖွဲ့သည် ၎င်းတို့အလိုရှိသူဖမ်းဆီးရာတွင် ဖမ်းမမိပါက ဆွေမျိုးသားချင်းများကို ဓါးစာခံအဖြစ် ဖမ်းဆီးနေသည်မှာ အာဏာသိမ်းသည့် ဖေဖော်ဝါရီလကတည်းက ဖြစ်သည်။
