မန္တလေးမြို့မဟာအောင်မြေမြို့နယ်ရှိ စစ်ကောင်စီ ၏သတင်းပေးဒလန်တစ်ဦးကို ၎င်း၏နေအိမ်၌ပင် သေနတ်ဖြင့်ပစ်ခတ်စီရင်လိုက်ကြောင်း ပြည်သူ့ကာ ကွယ်ရေးပျောက်ကြားတပ်ဖွဲ့ GZP(Mandalay)က ယနေ့(နိုဝင်ဘာ ၄) ထုတ်ပြန်သည်။
“မဟာအောင်မြေမြို့နယ်၊ အရာတော်ရပ်ကွက်တွင်နေထိုင်သူ စစ်ကောင်စီသတင်းပေးခြင်းနှင့် သံ/နောက် ၁၈ ရက်ကွက် ယာယီဥက္ကဋ္ဌရာထူးဖြင့် လှုပ်ရှားဆောင် ရွက်နေသော ဦးမျိုးနိုင်ဆိုသူ ဒလန်အား ကျွန်ုပ်တို့ GZP(Mandalay) ပြည်သူ့ကာကွယ်ရေး ပျောက်ကြားတပ်ဖွဲ့မှ ထိုသူ၏နေအိမ်မှာပဲ ၅ ချက်တိတိပစ်ခတ် ရှင်းလင်းခဲ့ပါသည်”ဟု ထုတ်ပြန်ချက်တွင် ဖော်ပြသည်။
အဆိုပါပစ်ခတ်မှုကြောင့် ဦးမျိုးနိုင်သည် နေရာတွင်ပွဲချင်းပြီးသေဆုံးသွားကြောင်း ထုတ်ပြန်ချက်က ဆို သည်။
GZP(Mandalay)သည် စစ်အာဏာရှင်အမြစ်ပြတ်ချေမှုန်းရေးတွင် စစ်ကောင်စီ၏ အနွယ်ဝင်များနှင့် ထောက်တိုင်မှန်သမျှကို သုတ်သင်ရှင်းလင်းသွားမည်ဖြစ်သောကြောင့် မိဘပြည်သူများအနေဖြင့် စစ်ကောင်စီ၏ အုပ်ချုပ်မှုယန္တရား လည်ပတ်စေရေးတွင် ပါဝင်ပတ် သက်ခြင်းမပြုရန် မေတ္တာရပ်ခံထားသည်။
Public Service Announcement
မန္တလေးမြို့၌ ယနေ့(နိုဝင်ဘာ ၄ ရက်)တွင် ဗုံးပေါက်ကွဲမှု နှစ်ကြိမ်ဖြစ်ပွားခဲ့ပြီး ယင်းပေါက်ကွဲမှုကြောင့် စစ်ကောင်စီလက်အောက်ခံရဲတပ်ကြပ်တစ်ဦးသေဆုံးကာ တစ်ဦးဒဏ်ရာရခဲ့သည်။
