ပြည်သူလူထုရဲ့အခွင့်အာဏာကို ပြည်သူထံ ပြန်လည်အပ်နှံနိုင်ရေးနဲ့ စစ်အာဏာရှင်စနစ်အောက်ကနေ အပြီး တိုင်လွတ်မြောက်ပြီး ဖက်ဒရယ်ဒီမိုကရေစီပြည်ထောင်စု ဖြစ်ထွန်းပေါ်ပေါက်ရေး အတွက် ပြည်သူလူထုနဲ့အတူ ဆက်လက်ဆောင်ရွက်မယ်လို့ အမျိုးသားဒီမိုကရေစီအဖွဲ့ချုပ်(NLD)က ထုတ်ပြန်ပါတယ်။
၂၀၂၀ အထွေထွေရွေးကောက်ပွဲ (၁)နှစ်ပြည့်နှစ် ပတ်လည်နေ့မှာ ကတိသစ္စာပြုထုတ်ပြန်ခဲ့တာ ဖြစ်ပြီး စစ်အာဏာသိမ်းမှုကို နည်းလမ်းပေါင်းစုံနဲ့ ဆန့်ကျင်ကန့်ကွက်နေတဲ့ ပြည်သူလူထုတရပ်လုံးကို NLDပါတီက အထူးလေးစားအားထားတယ်လို့ ထုတ်ပြန်ချက်မှာ ဖော်ပြပါတယ်။
ပြီးခဲ့တဲ့ ၂၀၂၀ ရွေးကောက်ပွဲမှာ COVID-19 ကပ်ရောဂါကြားကပင် မဲဆန္ဒရှင်ပြည်သူတွေဟာ လွတ်လပ်တဲ့စိတ်ဆန္ဒတို့နဲ့ NLDကိုယ်စားလှယ်တွေကို ဆန္ဒမဲပေးရွေး ချယ်ခဲ့ကြပြီး ဒီချုပ်ဟာ မဲဆန္ဒနယ်အားလုံးရဲ့ ၈၂ ရာခိုင်နှုန်းကျော် သောင်ပြိုကမ်းပြိုအနိုင်ရခဲ့ပါတယ်။ အဲဒီအတွက် ပြည်သူလူထုကို ကျေးဇူးဥပကာရတင်ရှိတယ်လို့ ထုတ်ပြန်ပါတယ်။
ဒါပေမဲ့ စစ်ခေါင်းဆောင်တစုက မဲစာရင်းမဲယွင်းသည်ဆိုကာ လက်နက်အားကိုးနဲ့ နိုင်ငံတော် အာဏာကို ဥပဒေမဲ့လုယူခဲ့တယ်လို့ NLDက ဆိုပါတယ်။
Public Service Announcement
ရွေးကောက်ပွဲမှာ မဲစာရင်းမှားယွင်းတယ်လို့ ယူဆပါက ရွေးကောက်ပွဲဥပဒေ၊ နည်းဥပဒေပါ လုပ် ထုံးလုပ်နည်းများအတိုင်း ကန့်ကွက်လွှာတင်သွင်းကာ ဥပဒေနဲ့အညီတရားမျှတမှုရှိအောင်လုပ်ဆောင်နိုင်ပေမယ့် စစ်ခေါင်း ဆောင်တစုဟာ ပြည်သူလူထုရဲ့ တခဲနက်ထောက်ခံဆန္ဒပြုခဲ့တာကို လျစ်လျူရှု၊ တည်ဆဲဥပဒေကိုချိုးဖောက်ပြီး အကြမ်းဖက်စစ်အာဏာသိမ်းမှုကို ပြောင်ပြောင် တင်းတင်းချိုးဖောက်ကျူးလွန်ခဲ့တယ်လို့ NLDက ထုတ်ပြန်ပါတယ်။
