စစ်ကိုင်းတိုင်း၊ မုံရွာမြို့အဝင်မုခ်ဦးတွင် တပ်စွဲထားသော အာဏာသိမ်းစစ်ကောင်စီတပ်အား ယမန်နေ့ညက နယ်ခံပြည်သူ့ကာကွယ်ရေးတပ်ဖွဲ့က မိုင်း ၃ လုံးဖြင့် ခုခံတိုက်ခိုက်ခဲ့ကြောင်းအဆိုပါအဖွဲ့က အသိပေးသည်။
နိုဝင်ဘာလ ၉ ရက် ည ၈ နာရီခန့်က မုံရွာမြို့၊ တောင်ဘက် မုံရွာ-မန္တလေးလမ်း၊ မုံရွာမြို့အဝင်မုခ်ဦးတွင် တပ်စွဲထားသော အကြမ်းဖက် စစ်ကောင်စီတပ်သားများကို နယ်ခံ ပြည်သူ့ကာကွယ်ရေးတပ်ဖွဲ့ဖြစ်သည့် မုံရွာမြို့နယ် ဒီမိုကရက်တစ်ပြောက်ကျားတပ်ဖွဲ့(အောက်ချင်းတွင်း)ကမိုင်းသုံးလုံးဖြင့်ဖောက်ခွဲတိုက်ခိုက်ခဲ့ကြောင်း အဆိုပါအဖွဲ့က သတင်းထုတ်ပြန်ခဲ့သည်။
အဆိုပါတိုက်ခိုက်မှု့ကြောင့်အကြမ်းဖက်စစ်ကောင်စီတပ်သားများနှင့် ပြည်သူ့ကာကွယ်ရေးတပ်တို့သေနတ်အချက်ရေ ၄၀ ကျော်ဖြင့်အပြန်အလှန်ပစ်ခတ်မှုဖြစ်ပွားခဲ့ပြီး စစ်ကောင်စီတပ်သားများသေဆုံးထိခိုက်ဒဏ်ရာရသူများရှိခဲ့ကြောင်း မုံရွာမြို့နယ် ဒီမိုကရက်တစ်ပြောက်ကျားတပ်ဖွဲ့(အောက်ချင်းတွင်း) က အသိပေးသည်။
စစ်ကောင်စီတပ်သားများ၏သေဆုံးထိခိုက်မှုစာရင်းကို အတိအကျမသိရှိရသေးကြောင်း ၎င်းတို့က ပြောသည်။
Public Service Announcement
“မနေ့ညက ပေါက်ကွဲသံတွေ ပစ်ခတ်တာတွေတော့နေရာအနှံ့ကြားနေရတယ်။ ဆည်မြောင်းရုံးဘက်ကလည်း ရမ်းသမ်းပစ်တယ်။”ဟု မြို့ခံတစ်ဦးက ပြောသည်။
နိုဝင်ဘာလ ၈ ရက်နေ့ကလည်း မုံရွာမြို့တွင် စစ်ကောင်စီတပ်သားများကင်းစောင့်ရာနေရာများနှင်စစ်ကောင်စီတပ် စခန်းချရာဆည်မြောင်းရုံးတို့ကို မြို့ပြပျောက်ကျားအဖွဲ့များကမိုင်းခွဲ၊ပစ်ခတ်တိုက်ခိုက်သည်။
