စစ်ကိုင်းတိုင်း မုံရွာမြို့ ရုံးကြီးလမ်းရှိ မြို့နယ်လျှပ်စစ်ရုံးသို့ ဝင်ရောက်တိုက်ခိုက်ခဲ့ကာ စစ်ကောင်စီတပ်သားတစ်ဦးသေဆုံးကြောင်း PDF- South Monywaက ထုတ်ပြန် သည်။
ယနေ့(နိုဝင်ဘာ ၁၁ ရက်)ညနေ ၅ နာရီခန့်က PDF- South Monywa၊ Monywa Heroes Group နှင့် Generation Defense Forceတို့မှ ဝင်ရောက်ပစ်ခတ်ခဲ့မှုဖြစ်စဥ်တွင် စစ်ကောင်စီတပ်သားများနှင့် အပြန်အလှန်ပစ်ခတ်မှုပါရှိခဲ့သည်ဟု ဆိုသည်။
ယခုကဲ့သို့ ဝင်ရောက် တိုက်ခိုက်မှုသည် မုံရွာတစ်မြို့နယ်လုံး မီတာစာရွက်များလိုက်လံဖြန့်ချီခြင်း၊မီတာဆောင်ရန် ပြည်သူလူထုကိုဖိအားပေးနေခြင်းတို့ကြောင့် မုံရွာမြို့ပြပျောက်ကြားအဖွဲ့များမှ သတိပေးချက်ထုတ်ပြန်ခဲ့ပြီးနောက် လက်တွေ့ဆောင်ရွက်ခြင်းဟု သိရသည်။
နိုဝင်ဘာ ၁၀ ရက်ကလည်း မုံရွာမြို့ရှိ စစ်ကောင်စီ လက်အောက်ခံ ဒုရဲအုပ်တစ်ဦး လုံခြုံရေးယူစဉ်မီးသတ်ရုံးလမ်းကြားတွင် သေနတ်ပစ်ခံရ၍ သေဆုံးသွားသည်။
Public Service Announcement
အဆိုပါ စစ်ဆင်ရေးကို PDF – South Monywa၊ Monywa Eagle အဖွဲ့ နှင့် Monywa Heroes Group တို့က ပူးပေါင်းလုပ်ဆောင်ခဲ့ခြင်းဖြစ်ကြောင်း အသီးသီးကြေညာခဲ့သည်။
ပြီးခဲ့သည့် နိုဝင်ဘာ၈ရက်ကလည်း မုံရွာမြို့ဆည်မြောင်းရုံး လုံခြုံရေးဂိတ်ကို မဟာမိတ် ပြောက်ကျားတပ်ဖွဲ့ဝင်များက မိုင်းခွဲပြီး ဝင်ရောက်ပစ်ခတ် တိုက်ခိုက်ခဲ့၍ စစ်ကောင်စီ လက်နက်ကိုင် လေးဦး သေဆုံးခဲ့ကြောင်း PDF-South Monywa တပ်ဖွဲ့က ထုတ်ပြန်ထားသည်။
