မကွေးတိုင်း မြိုင်မြို့နယ်တွင် အကြမ်းဖက်စစ်ကောင်စီ၏ရဲကားများအား နှစ်ကြိမ်တိုင် မိုင်းခွဲတိုက်ခိုက်ခဲ့ရာ ရဲနှစ်ယောက်ထိခိုက်ဒဏ်ရာရရှိသွားကြောင်း မြိုင် PDFက သတင်းထုတ်ပြန်သည်။
ယမန်နေ့( နိုဝင်ဘာလ ၁၁ ရက်) နံနက် ၁၀နာရီ၃၀ မိနစ်ခန့် ကွမ်းတောရွာအနီးတွင် မိုင်း ၂လုံး၊ နေ့လယ် ၁၂ နာရီ၄၅ မိနစ် မြိုင်-ရေစကြိုနယ်စပ် လှည်းကုတ်ရွာအနီးတွင် မိုင်း (၃) လုံးဖြင့် အကြမ်းဖက် စစ်ကောင်စီတပ်ကားများအား အသီးသီး တိုက်ခိုက်ခဲ့ရာ ရဲ နှစ်ယောက်ထိခိုက်မိကြောင်း မြိုင် PDF ကအသိပေးသည်။
“ကြားလိုက်တယ်။ ကွမ်းတောချောင်းအနီးဖြစ်တာ။ ရဲတွေကတော့ ရမ်းသမ်းပစ်သွားသေးတယ်။”ဟု မြိုင်ဒေသခံတစ်ဦးက ပြောသည်။
မြိုင် PDF အနေဖြင့် မိဘပြည်သူများအား စစ်ကောင်စီနှင့် မပက်သက်ရန်နှင့် သံသယရှိသောနေရာများသို့ သွားရောက်ပြီး မကြည့်ရန် သတိပေးထားကြောင်း၊ ယမန့်နေက မြိုင် PDF မှ ထောင်ထားသောမိုင်းများအား နွားနှင့်ဆိတ်ကျောင်းသားများက တွေ့ရှိပြီး စစ်ကောင်စီတပ်ကားများအား ရပ်တန့်စေကာအကြောင်းကြားသောကြောင့် မိုင်းများအား ဖျက်ဆီး ခံလိုက်ရပြီး အဖွဲ့ဝင်များ လူအထိအခိုက်မရှိခဲ့သော်လည်း ငွေအား လူအင်အားဆုံးရှုံးခဲ့ရကြောင်း၊ အုပ်ထိမ်းသူများအနေဖြင့် သားသမီးများအား အမှားအမှန် ခွဲခြားစေတတ်စေရန် ဆုံးမစေလိုပြီး စစ်ကောင်စီများနှင့် ပတ်သက်ခြင်းမပြုရန် သတိပေးထုတ်ပြန်လိုက်ကြောင်း မြိုင်PDFက သတင်းထုတ်ပြန်သည်။
Public Service Announcement
ယခင်ကလည်း မြိုင်-ဗဟင်းလမ်းမပေါ်ထောင်ထားသည့် မိုင်းများအား နွားကျောင်းသူမိန်းကလေးများက လျှောက်ဆွဲ၍ ပျက်စီးခဲ့ကြောင်း မြိုင် PDFက ပြောသည်။
