အင်းစိန်ထောင်ထဲမှာ ၅ လကျော်ကြာ ဖမ်းဆီးထားတဲ့ အမေရိကန်သတင်းထောက် ဒန်နီဖန်စတာကို စစ်ကောင်စီက ဒီနေ့နိုဝင်ဘာလ ၁၂ ရက်မှာ ထောင်ဒဏ် ၁၁ နှစ်ချလိုက်တယ်လို့ သိရပါတယ်။
ဒန်နီဖန်စတာကို အများပြည်သူမငြိမ်မသက်ဖြစ်စေဖို့လှုံဆော်မှု ရာဇသတ်ကြီး ပုဒ်မ ၅၀၅ (က) ၊ မတရားအသင်းဆက်သွယ်မှု ပုဒ်မ ၁၇ (၁) ၊ ဗီဇာစည်းကမ်းမလိုက်နာမှု လဝက ဥပဒေပုဒ်မ ၁၃ (၁) တို့ နဲ့ စစ်ကောင်စီက တရားစွဲဆိုပြီးထောင်ချလိုက်တာပါတယ်။
ဒီနေ့ အမိန့်ချရာမှာ ပုဒ်မ ၅၀၅ (က) အတွက် ထောင် ၃ နှစ် ၊ ပုဒ်မ ၁၇(၁) အတွက် ထောင် ၃ နှစ်နဲ့ လဝက ဥပဒေပုဒ်မ ၁၃ (၁) အတွက် ထောင် ၅ နှစ်နဲ့ ငွေဒဏ် ၁ သိန်း စုစုပေါင်း ထောင်ဒဏ် ၁၁ နှစ် ချလိုက်တာ လို့ Frontier Myanmar သတင်းဌာနက ထုတ်ပြန်ပါတယ်။
ဒန်နီဖန်စတာဟာရန်ကုန်အခြေစိုက် သတင်းမီဒီယာ Frontier Myanmar ရဲ့ အုပ်ချုပ်မှုအယ်ဒီတာဖြစ်ပါတယ်။
Public Service Announcement
ပြီးခဲ့တဲ့မေလ အတွင်း အမေရိကန်နိုင်ငံ၊ ဒက်ထရွိုက်မှာရှိတဲ့ မိသားစုဆီပြန်ဖို့အတွက် ရန်ကုန်လေဆိပ်မှာ ရောက်ရှိချိန် စစ်ကောင်စီ က ဖမ်းဆီးသွားခဲ့တာဖြစ်ပါတယ်။
