–သုံးဦးသေနှစ်ဦး ဒဏ်ရာပြင်းထန်
ပဲခူးတိုင်းအနောက်ခြမ်း နတ္တလင်းမြို့နယ်တွင် ပျူစောထီး၊ ဒလန်နှင့် အုပ်ချုပ်ရေးအဖွဲ့ဝင် ငါးဦးကို ယမန်နေ့ (နိုဝင်ဘာ ၁၁)ညပိုင်းက သုတ်သင်ရှင်းလင်းခဲ့ကြောင်း Phoenix – DF(NTLA PDF)က ထုတ်ပြန်သည်။
သုတ်သင်ရှင်းလင်းမှုဖြစ်စဉ်များတွင် စမ်းကြီးရွာအုပ်ချုပ်ရေးမှူး ဆန်းဝင်း၊ ရေကြည်ရွာ ဒလန်နှင့် ပျူစောထီးအဖွဲ့ဝင်များဖြစ်သော ကိုသောင်း၊ ကိုမင်းနှင့် ဇော်လေးအပါအဝင် ကိုမျိုး(တာကလော)တို့ပါဝင်ကြောင်း ထုတ်ပြန်ချက်တွင် ဖော်ပြသည်။
အဆိုပါ ရှင်းလင်းခံရသူ ပျူစောထီး၊ ဒလန်နှင့် အုပ်ချုပ်ရေးအဖွဲ့ဝင်များအနက် ကိုမင်းနှင့်ကိုမျိုးတို့နှစ်ဦး ဒဏ်ရာပြင်းထန်စွာရရှိခဲ့သော်လည်း သေဆုံးခြင်းရှိ၊မရှိကိုမှု အတည်မပြုနိုင်သေးဟု NTLA PDF ထုတ်ပြန်ချက်က ဆိုသည်။
Public Service Announcement
သုတ်သင်ရှင်လင်းရာတွင်ပါဝင်သူ ပျူစောထီး၊ ဒလန်နှင့် အုပ်ချုပ်ရေးအဖွဲ့ဝင်များသည် စစ်ကောင်စီစစ်ကြောင်းများလာရောက်ချိန် ဧည့်ခံခြင်း ပြည်သူများပုန်းခိုသည့်နေရာများ ပြသခြင်း အပြစ်မဲ့ပြည်သူများအား ဖမ်းဆီးနှိပ်စက်စေခြင်းများ ပြုလုပ်ခဲ့ကြောင်း NTLA PDF က ထောက်ပြသည်။
ထို့ကြောင့် နတ္တလင်းမြို့နယ်အတွင်းမှ ကျန်ရှိနေသည့် ပျူစောထီး ဒလန်နှင့် အုပ်ချုပ်ရေးအဖွဲ့ဝင်များအနေဖြင့် အချိန်မီရပ်တန်းကရပ်ကာ နှုတ်ထွက်ကြရန် NTLA PDF က ပြင်းထန်စွာ သတိပေးထားသည်။
