မိုးကုတ်မှာ မနေ့ကနိုဝင်ဘာ ၁၈ ရက်ညပိုင်းက စစ်ကောင်စီတပ်ဖွဲ့ဝင်တွေ ရဲ့ပစ်ခတ်မှုကြောင့် အသက် ၁၉ နှစ်အရွယ် လူငယ် ၁ ဦး သေဆုံးခဲ့ရပါတယ်။
မနေ့က ညပိုင်းကဖြစ်စဉ်မှာ စစ်ကောင်စီတပ်ဖွဲ့ဝင်တွေဟာ အကြောင်းမဲ့ ရမ်းသမ်းပစ်ခတ်တာလို့ဒေသခံတွေက ဆိုကြပါတယ်။
” အခုရက်ပိုင်းမှာ စစ်တပ်ကဘက်ကကျတာများတယ် ။ လူတွေအပြင်မထွက်အောင် စကစဘက်ကပစ်နေတာ၊ သေနတ်သံကြားလို့ ကောင်လေးက ဘုရားပေါ်တက်ကြည့်လိုက်တာ “လို့ မိုးကုတ်ဒေသခံတစ်ဦးကပြောပါတယ်။
လူငယ်ဟာ ညာဘက်နံရိုးကို သေနတ်မှန်သွားတာဖြစ်ပြီး ဆေးရုံကိုရောက်ရှိချိန်မှာ သေဆုံးသွားတာလို့သိရပါတယ်။
မိုးကုတ်မှာ ပြီးခဲ့တဲ့ ရက်ပိုင်းတွေအတွင်းက စစ်ကောင်စီတပ်ဖွဲ့ဝင်တွေနဲ့ PDF တွေကြားတိုက်ပွဲတွေဖြစ်ခဲ့ရာမှာ စစ်ကောင်စီဘက်ကသေဆုံးသူများခဲ့တာပါ။