စဥ့်ကူးမြို့နယ်မှစစ်​ကောင်စီခန့် ရာအိမ်မှူး ​သေနတ်ဖြင့်လိုက်ပစ်ခံရပြီး​နောက်နှုတ်ထွက်စာတင်

မန္တလေးတိုင်း၊ စဥ့်ကူးမြို့နယ်၊ ကျည်တောက်ပေါက်ကျေးရွာတွင် ယမန်နေ့ညနေပိုင်းက ပစ်ခတ်ခံခဲ့ရသော ရာအိမ်မှုးသည် ပစ်ခတ်ခံရပြီး ၂၄နာရီမပြည့်ခင် တာဝန်မှ နှုတ်ထွက်စာတင်ခဲ့ကြောင်း ဒေသခံများကပြောသည်။

ယမန်နေ့ (နိုဝင်ဘာလ ၂၂ ရက်) ညနေ ၃ နာရီခန့်က စဥ့်ကူးမြို့နယ်၊ ကျည်တောက်ပေါက်ကျေးရွာနေ မျိုးခိုင်ဆိုသူအား စဥ့်ကူးမြို့နယ်ပျောက်ကြားအဖွဲ့ SGF မှ ကျည်‌တောက်ပေါက် လမ်းတစ်လျှောက် လိုက်လံပစ်ခတ်ခဲ့ရာ ညာဘက်ပေါင်နှင့် ခြေသလုံးနှစ်ချက်မှန်ပြီး ဆိုင်ကယ်ဖြင့်မောင်းပြေးစဥ် တိမ်းမှောက်ကာ တိုက်နယ်ဆေးရုံသို့ ပို့ဆောင်ခဲ့ရသည်။

ယနေ့ (နိုဝင်ဘာလ ၂၃ ရက်)နံနက်တွင်မူ ၎င်းသည်ရာအိမ်မှုးတာဝန်မှနူတ်ထွက်ပြီဖြစ်ကြောင်း နူတ်ထွက်စာဖြင့်အသိပေးခဲ့သည်။

မိသားစုစားဝတ်နေရေးနှင့် ကျန်းမာရေးအခက်အခဲများကြုံတွေ့နေရပါသဖြင့် ရာအိမ်မှုးတာဝန်မှနူတ်ထွက်ခွင့်ပြုရန် တင်ပြခြင်းဖြစ်သည်ဟု ၎င်း၏နူတ်ထွက်စာတွင်ရေးသားထားသည်။

Public Service Announcement

အဆိုပါမျိုးခိုင်ဆိုသူသည် ကျည်တောက်ပေါက်ကျေးရွာမှ ရာအိမ်မှုးတစ်ဦးဖြစ်ပြီး စစ်ကောင်စီသတင်းပေးတစ်ဦးဖြစ်ကာပြည်သူကိုအကြီးအကျယ်ဒုက္ခပေးနေ၍ လိုက်လံဆုံးမခဲ့ခြင်းဖြစ်ကြောင်း စဥ့်ကူးမြို့နယ်ပျောက်ကြားအဖွဲ့ SGFကအသိပေးထုတ်ပြန်ခဲ့သည်။