ကရင်နီ(ကယား)ပြည်နယ် ဒီးမော့ဆိုမြို့နယ်၌ ကရင်နီအမျိုးသားကာကွယ်ရေးတပ်ဖွဲ့(KNDF)နှင့် အာဏာသိမ်းစစ်ကောင်စီတပ်တို့ ယနေ့မနက်က တိုက်ပွဲဖြစ်ပွားရာ KNDF ရဲဘော် ၄ဦးကျဆုံးခဲ့သည်ဟုအဖွဲ့ပြောရေးဆိုခွင့်ရှိသူကအတည်ပြုသည်။
ဒီးမော့ဆိုမြို့နယ် ဟိုဖိတ်ရွာအနီး၌ ယနေ့မနက်က နှစ်ဖက် ထိပ်တိုက်ရင်ဆိုင် တိုက်ပွဲ ဖြစ်ပွားခဲ့ခြင်း ဖြစ်သည်။
“ဒီမနက် အစောကြီး ၅နာရီ နည်းနည်းကျော်တဲ့အချိန်လောက်မှာ နှစ်ဖက် ထိတွေ့ ထိပ်တိုက် ရင်ဆိုင်ကြတာပေါ့။ကျွန်တော်တို့ KNDF ဘက်က ၄ယောက်ကျပြီးတော့ စကစဘက်ရဲ့ ထိခိုက်မှုတို့ သေဆုံးမှု အခြေအနေတို့ မသိရဘူး” ဟု KNDF ပြောရေးဆိုခွင့်ရှိသူက ပြောသည်။
ယခုကျဆုံးခဲ့သည့် ရဲဘော် ၄ဦး အပါအဝင် အာဏာသိမ်းစစ်ကောင်စီတပ်ကို ခုခံတိုက်ခိုက်စဉ်ကာလအတွင်း KNDF ရဲဘော် ၁၆ဦး ခန့် စစ်အာဏာရှင်ဖြုတ်ချရေး၊ဖက်ဒရယ်ဒီမိုကရေစီနိုင်ငံထူထောင်ရေးနှင့်ပြည်သူများလွတ်မြောက်ရေးအတွက် တိုက်ပွဲဝင်ရင်းကျဆုံးခဲ့ပြီဖြစ်သည်။ ကရင်နီဒေသတိုက်ပွဲများတွင် အကြမ်းဖက်စစ်ကောင်စီတပ်မှ ရာနှင့်ချီသေဆုံးထားပြီဖြစ်သည်။
Public Service Announcement
ယခုရက်ပိုင်းအတွင်း ဒီးမော့ဆိုမြို့နယ် တွင် ကရင်နီတပ်မတော်(KA)၊ KNDF ပူးပေါင်းတပ်ဖွဲ့ နှင့် အာဏာသိမ်း စစ်ကောင်စီတပ်အကြား တိုက်ပွဲများ နေ့စဉ်ရက်ဆက်ဖြစ်ပွားနေပြီးစစ်ကောင်စီတပ်မှလည်းသေဆုံးထိခိုက်မှုများပြားခဲ့သည်။
