-လွတ်မြောက်နယ်မြေအလား ပအဖ၊ပကဖ နဲ့ဒေသခံပြည်သူတွေစည်ကားစွာပူးပေါင်းဆင်နွှဲခဲ့တဲ့ယင်မာပင်မြို့နယ်ကအမျိုးသားအောင်ပွဲနေ့အခမ်းအနား
ယနေ့(တန်ဆောင်မုန်း လပြည့်ကျော် ၁၀ ရက် )တွင်စစ်ကိုင်းတိုင်းယင်းမာပင် မြို့နယ် မြို့နယ်ပြည်သူ့အုပ်ချုပ်ရေးအဖွဲ့ ( ပအဖ)၊ပြည်သူ့ကာကွယ်ရေးအဖွဲ့ ( ပကဖ )များက ကျေးရွာတစ်ရွာမှပြည်သူနှင့်တွေ့ဆုံခြင်းနှင့် အမျိုးသားအောင်ပွဲနေ့ အထိမ်းမှတ်အခမ်းနားကျင်းပခြင်းကို ပြည်သူအင်အားအများအပြားဖြင့် စည်ကားစွာကျင်းပခဲ့သည်။
ပအဖ ၊ပကဖ များသည် မြန်မာပြည်သူလူထုထောက်ခံမှုတစ်ခဲနက်ရရှိထားသော အမျိုးသားညီညွတ်ရေးအစိုးရ(NUG) လက်အောက်ခံ အုပ်ချုပ်ရေးနှင့်ကာကွယ်ရေးအဖွဲ့များဖြစ်သည်။တော်လှန်ရေးအားကောင်းသောဒေသများတွင် ပအဖ ၊ပလဖ (ပြည်သူ့လုံခြုံရေးအဖွဲ့ )၊
ပကဖ များမှာ အခိုင်အမာရှိနေပြီဖြစ်သည်။ ယနေ့ကျရောက်သော၁၀၁နှစ်မြောက်အမျိုးသားရေးအောင်ပွဲနေ့တွင် နိုင်ငံတစ်ဝန်း “စစ်ကျွန်မခံဘူးငြင်းဆန်း အမျိုးသားနေ့အဓိဌာန်” ဆိုသောကြွေးကြော်သံဖြင့် ငြိမ်းချမ်းစွာဆန္ဒထုတ်ဖော်မှုများပြုလုပ်နေသည်။
အကြမ်းဖက်စစ်ကောင်စီကို ခုခံတော်လှန်နေသော စစ်ကိုင်းတိုင်းရှိ မြို့နယ်များတွင် အမျိုးသားနေ့အောင်ပွဲ အခမ်းအနားနှင့် စစ်အာဏာရှင် ဖြုတ်ချရေးဆန္ဒပြပွဲများကို လွတ်မြောက်နယ်မြေများကဲ့သို့ ပြည်သူအင်အားအများအပြားဖြင့် ဆန္ဒထုတ်ဖော်နေကြသည်။