ကန်ပက်လက်မြို့နယ် ချင်းကာကွယ်ရေးတပ်ဖွဲ့(CDF)က မြို့တွင်း တိုက်ပွဲများ ဖော်ဆောင်ခဲ့၍ နိုဝင်ဘာ ၂၈ရက်မှ ဒီဇင်ဘာ ၄ရက်အတွင်း စစ်ကောင်စီတပ်မှ ၇ဦးသေဆုံးခဲ့ကြောင်း ကန်ပက်လက် CDFက ထုတ်ပြန်ထားသည်။
ကန်ပက်လက် CDFရဲဘော်များက နိုဝင်ဘာ ၂၈ရက်၊ ဒီဇင်ဘာ ၃ရက်နှင့် ၄ရက်နေ့များတွင် မြို့ပေါ်ရှိ စစ်ကောင်စီတပ်များကို ပစ်ခတ်တိုက်ခိုက်ခဲ့ခြင်းဖြစ်သည်။
ဒီဇင်ဘာ ၄ရက် မနက်က ကန်ပက်လက်မြို့တွင်းအ.ထ.ကကျောင်း၌ တပ်စွဲထား စစ်ကောင်စီတပ် အား CDF ရဲဘော်များက ဝင်ရောက်ပစ်ခတ်ရာ ၄၅မိနစ်ကြာ တိုက်ပွဲပြင်းထန်ခဲ့ကြောင်း၊ စစ်ကောင်စီ ဘက်မှ ၂ဦးသေဆုံးခဲ့ပြီး CDF ရဲဘော်များ အထိအခိုက်မရှိပြန်လည်ဆုတ်ခွာနိုင်ခဲ့ကြောင်း ဖော်ပြသည်။
ဒီဇင်ဘာ ၃ရက်ကလည်း ကန်ပက်လက် အ.ထ.က ကျောင်း၌ တပ်စွဲထားသည့် စစ်ကောင်စီတပ်ကိုပင် CDFက ဝင်ရောက်တိုက်ခိုက်ခဲ့ရာ ၂ဦးသေ၊ ၁ဦးဒဏ်ရာပြင်းထန်ခဲ့ဟု ဆိုသည်။ နိုဝင်ဘာလ ၂၈ ရက်ကလည်း ကန်ပက်လက်မြို့ပေါ်၌ သွားလာနေသည့် စစ်ကောင်စီတပ်ယာဉ်ကို CDFက ပစ်ခတ် တိုက်ခိုက်ခဲ့၍ စစ်ကောင်စီတပ်ဖွဲ့ဝင် ၃ ဦးသေဆုံးကာ ၆ ဦးဒဏ်ရာရရှိခဲ့သည်ဟုထုတ်ပြန်ထားသည်။
Public Service Announcement
