မနေ့က ညပိုင်းက မန္တလေး မှာ စစ်ကောင်စီတပ်တွေရဲ့ ရမ်းသမ်းပစ်ခတ်မှုကြောင့် သေဆုံးခဲ့ရတဲ့ ၅ နှစ်အရွယ်မိန်းကလေးငယ်ရဲ့ နာရေးကို ဒီနေ့ တောင်အင်း မြောက်အင်းသုဿန်မှာ ပြုလုပ်ခဲ့တယ်လို့သိရပါတယ်။
ကလေးငယ်ရဲ့ရုပ်အလောင်းကိုမန္တလေး ဆေးရုံရဲ့ ရင်ခွင်ရုံကနေ သယ်ဆောင်ပြီး သဂြိုဟ်ခဲ့တာပါ။
ကလေးငယ်ကို ဆေးရုံပို့ပေးခဲ့တဲ့ ပရဟိတအသင်းက တာဝန်ရှိသူတစ်ဦးကတော့ ” ရောက်လာကတည်းက ကလေးက အသက်မပါတော့ဘူး ၊ နောက်စေ့ဒဏ်ရာတစ်ချက်တည်းနဲ့ သေသွားတာလို့” ပြောပါတယ်။
မနေ့က ဒီဇင်ဘာလ ၆ ရက်ညနေပိုင်း ၆ နာရီလောက်မှာ အောင်သာယာရပ်ကွက်ရုံးကို ဆိုင်ကယ်နဲ့ လူငယ် ၂ ယောက်က ဗုံးနဲ့လာပစ်လို့ စစ်ကောင်စီဘက်ကပြန် လှန်ပစ်ခတ်ခဲ့တာတွေရှိတယ်လို့သိရပါတယ်။
Public Service Announcement
ကလေးငယ်ရဲ့နေအိမ်ဟာ အဲဒီရပ်ကွက်ရုံးနဲ့ မျက်နှာချင်းဆိုင်ဖြစ်ပြီး အခင်းဖြစ်တဲ့အချိန်မှာ ကလေးငယ်ဟာ အခြားကလေးတွေနဲ့အတူ နေအိမ်ရှေ့မှာဆော့ကစားနေတာလို့သိရပါတယ်။
