ဒုန်းတောနှင့် ပန်းပင်ကြီးလမ်းအတွက် သွေးကြွေးဆပ်သည့်စစ်ဆင်ရေးအဖြစ် စစ်ကိုင်းတိုင်း မုံရွာမြို့ အဝင်နေရာ များ၌ အကြမ်းဖက်စစ်ကောင်စီတပ်များအား လက်နက်ကြီးများအပါအဝင် ပစ်ခတ်မှုများပြုလုပ်ခဲ့ရာ သေဆုံးထိခိုက်မှုများရှိကြောင်း ဒေသတွင်း PDFများကပြောသည်။
ယနေ့(ဒီဇင်ဘာလ ၈ ရက်)နံနက် ၂ နာရီခန့်တွင် စစ်ကောင်စီတပ်များ တပ်စွဲထားရာ ရွှေတောင်ဦးတပ်ကုန်းသို့ လက်နက်ကြီးများဖြင့် အချက် ၂၀ခန့် သွားရောက်ပစ်ခက်ခဲ့ရာ ခုနစ်ချက်ခန့် ထိမှန်နိုင်ကြောင်း၊ အပြစ်မဲ့ ပြည်သူများကို အကြမ်းဖက်ရက်စက်စွာ သတ်ဖြတ်ခဲ့သည့် အကြမ်းဖက်စစ်ကောင်စီတပ်သားများကို အဆုံးတိုင် လက်တုန့်ပြန်သွားမည်ဟု မြောက်ယမားပြည့်သူ့ကာကွယ်ရေးတပ်ဖွဲ့နှင့် ညီနောင်မဟာမိတ်တပ်များမှ ကတိကဝတ်ပြုသည်ဟု မြောက်ယမားပြည်သူ့ကာကွယ်ရေးတပ်ဖွဲ့ (MYPDF)က သတင်းထုတ်ပြန်သည်။
အလားတူ ယနေ့(ဇင်ဘာလ ၈ ရက်)နံနက် ၄နာရီ မိနစ်၄၅အချိန်ကလည်း မန္တလေး-မုံရွာလမ်း၊ မုံရွာမြို့ အဝင်မုခ်ဦးရှိ အကြမ်းဖက်စစ်ကောင်စီစခန်းအား ကားဖြင့် အလစ်အငိုက်ဖြတ်သန်းကာ ဆက်တိုက်ပစ်ခတ်ခဲ့ပြီး အကြမ်းဖက်စစ်ကောင်စီတပ်မှ သုံးဦးသေဆုံးကာ ထိခိုက်မှုအရေအတွက်စုံစမ်းနေဆဲဖြစ်ကြောင်း ဒီမိုကရက် တစ်ပြောက်ကျားတပ်ဖွဲ့-အောက်ချင်းတွင်းက အသိပေးသည်။
ယနေ့နံနက်ပိုင်းမှစတင်ကာ မုံရွာမြို့တွင်း ၊မြို့ပြင် တင်းကျပ်စွာစစ်ဆေးနေသည်ဟု မြို့ခံများက ပြောသည်။

Public Service Announcement
စစ်ကိုင်းတိုင်း ချင်းတွင်းတံတား(မုံရွာ)၊ မုံရွာ-ပုသိမ်လမ်းမကြီးနှင့် ယာကြီး-ကလေးဝလမ်းမကြီးများ၊ မုံရွာ-ပုသိမ်လမ်းမကြီး၊ မုံရွာ-အမြင့်ကျေးလက်လမ်းအစ ရှိသည့်နေရာများကြိလည်း ဖြတ်သန်းသွားလာခြင်းမပြုရန် ဒေသတွင်း PDFများက အသိပေးထားသည်။
