အာဏာရှင်များ၏ လူမဆန်မှုများကို ရသမျှနည်းအားလုံးဖြင့် ဆက်လက်ဖိအားပေးမည်ဟု EU ထုတ်ပြန်

–ယခင်ထက်ပို၍ မြန်မာပြည်သူလူထုနှင့်အတူ ရပ်တည်လျက်ရှိဟုဆို

မြန်မာပြည်သူလူထုကို အားပေးပံ့ပိုးသွားမည်ဖြစ်သလို စစ်အာဏာရှင်များ၏ လူမဆန်သောအပြုအမူများကို ရသမျှနည်းအားလုံးဖြင့် ဆက်လက်ဖိအားပေးဆောင် ရွက်သွားမည်ဖြစ်ကြောင်း ဥရောပသမဂ္ဂ (EU)က ယနေ့ထုတ်ပြန်သည်။

ယနေ့ ကျရောက်သော လူ့အခွင့်အရေးနေ့တွင် EU သည် ယခင်ကထက်ပို၍ မြန်မာပြည်သူလူထုနှင့်အတူရပ် တည်လျက်ရှိကြောင်း ဖော်ပြခဲ့သည်။

စစ်တပ်အာဏာပိုင်များက နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် နိုင်ငံတော်သမ္မတ ဦးဝင်းမြင့်တို့ကို ကျူးလွန်ထားသကဲ့သို့ ပြည်သူများအပေါ် ကျူးလွန်သည့် မတရားဖမ်းဆီး ချုပ်နှောင်မှုများ၊ အကွက်ချဖိနှိပ်မှုများနှင့် အဆင်အခြင်မဲ့ အကြမ်းဖက်မှုများသည် လူ့အခွင့်အရေးနှင့် နိုင်ငံတကာဥပဒေများကို ပြောင်းတင်းစွာ ချိုးဖောက်နေခြင်းဖြစ်ကြောင်း EUက ထုတ်ပြန်သည်။

Public Service Announcement

ဖေဖော်ဝါရီ ၁ ရက်ကတည်းက EU မှ လူပုဂ္ဂိုလ် ၄၃ ဦးနှင့် စစ်တပ်ပိုင်အဖွဲ့အစည်း ၆ခု အပေါ် ချမှတ်ခဲ့သည့် အရေးယူပိတ်ဆို့မှုများသည် မြန်မာပြည်သူလူထုကို အားပေးပံ့ပိုးမည့် EU ၏ သန္နိဋ္ဌာန်ကို ပြသနေခြင်းဖြစ်သည်ဟုလည် ဆိုသည်။

လူ့အခွင့်အရေးများကို ကမ္ဘာတစ်ဝန်းမှမည်သူမဆို ခံစားခွင့်ရှိပြီး ခွဲခြားသတ်မှတ်၍မရနိုင်ကြောင်း၊ ၎င်းတို့ကို ခုခံကာကွယ်ရန်ကြိုးပမ်းနေသည့် ကျွန်ုပ်တို့၏ အားထုတ်မှုများကို မည်သည့်အခါမျှ ရပ်တန့်သွားမည်မဟုတ်ကြောင်း EUက အသိပေးခဲ့သည်။