ကနီ​ဆည်ရွာ​ချောင်းအနီးမိုင်းဆွဲရာစစ်​ကောင်စီတပ် ၁၄ဦး​သေ

ကနီမြို့နယ် ဆယ်ရွာချောင်အနီး၌ အကြမ်းဖက်စစ်ကောင်စီ၏ မော်တော်ယာဥ်တစ်စီးကို ယနေ့ (ဒီဇင်ဘာ ၁၁ ရက်) ညနေ ၄နာရီခန့်က မိုင်းဆွဲတိုက်ခိုက်ခဲ့ရာအကြမ်းဖက်
စစ်​ကောင်စီသား ၁၄ဦးသေဆုံးခဲ့​ကြောင်း အာဏာရှင်တော်လှန်ရေးပြည်သူ့တပ်မတော်( DRPA)ထုတ်ပြန်သည်။

မိုင်းဆွဲတိုက်ခိုက်မှုကို ဒေသခံ မဟူ PDFနှင့် DRPAတို့ပူးပေါင်း၍ ဆောင်ရွက်ခဲ့ခြင်းဖြစ်သည်ဟု DRPAက ​ဖော်ပြထားသည်။

ထိုအပြင်ယနေ့ နံနက်ပိုင်းကလည်း ကနီမြို့နယ် ‌ချမ်းသာစုဘုရားကုန်းအနီး၌ အကြမ်းဖက်စစ်ကောင်စီအင်အား ၄၀ ကျော် နှင့် DRPA ၊ ကျောက်လုံးကြီးPDF၊ ဒေသခံ PDF ပူးပေါင်းအဖွဲ့တို့ဖြင့် ထိတွေ့တိုက်ပွဲဖြစ်ခဲ့သည်။

အကြမ်းဖက်စစ်ကောင်စီဘက်မှ လက်နက်ကြီးများဖြင့်သာမက လေကြောင်းဖြင့်ပါ လာရောက်ပစ်ခတ်၍ ပူးပေါင်းအဖွဲ့အထိအခိုက်မရှိပြန်ဆုတ်လာနိုင်သော်လည်း ဆိုင်ကယ်၁၀ စီးဆုံးရှုံးခဲ့ကြောင်း DRPA က အသိပေးသည်။

Public Service Announcement

ယမန်နေ့ (ဒီဇင်ဘာလ ၁၀ ရက်နေ့) မွန်းတည့်၁၂နာရီဝန်းကျင်ကလည်းကနီမြို့နယ်၊ဆယ်ရွာချောင်အနီးတွင် အကြမ်းဖက်စစ်ကောင်စီတပ်ကားများအား​စောင့်၍ မိုင်းဆွဲတိုက်ခိုက်ခဲ့ရာ အကြမ်းဖက်စစ်‌ကောင်စီ ဘက်မှ ကား၂စီးပျက်စီးကာ တပ်ဖွဲ့ဝင် ၄၀ခန့် ထိခိုက်​သေဆုံးဒဏ်ရာရရှိခဲ့ကြောင်း DRPA က ပြောသည်။

ထိုအပြင် ယမန်​နေ့က ချင်းတွင်းမြစ်အတွင်းစစ်​ကောင်စီတပ်သ​ဘော်များကို ​ဒေသခံပြည်သူ့ကာကွယ်​ရေးတပ်ဖွဲ့များက​ရေမိုင်းခွဲ၍တိုက်ခိုက်ရာ စစ်​သ​ဘော်တစ်စီးမီး​လောင်ပျက်စီးခဲ့သည်။