ရေစကြိုနယ်တွင် အကြမ်းဖက်စစ်တပ် ​ဒေသကာကွယ်​ရေးတပ်များနှင့် တိုက်ပွဲဖြစ်၊ စစ်​ကောင်စီတပ်သား ​ခြောက်ဦး​သေ

-ပြည်သူ့ကာကွယ်​ရေးတပ်မှ သုံးဦးကျဆုံး

ရေစကြိုမြို့နယ် ရွှေလှံကျေးရွာ၌ ယနေ့ (ဒီဇင်ဘာ ၁၁ ရက်) နံနက် ၁၁နာရီခွဲခန့်က အကြမ်းဖက်စစ်ကောင်စီတပ်နှင့်အပြန် အလှန်ပစ်ခတ်ကြရာ စစ်ကောင်စီတပ်သား​ခြောက်ဦးသေပြီး နှစ်ဦးမှာထိခိုက်ဒဏ်ရာရရှိခဲ့ ကြောင်း မြောင်မြို့နယ်ပြည်သူ့ကာကွယ်ရေးနှင့်လုံခြုံ ရေးအဖွဲ့-CDSOMက ထုတ်ပြန်သည်။

ထို့အပြင် ယနေ့ နေ့လည် ၁ နာရီတွင် စစ်ကောင်စီတပ်က ရေစကြို မှ မြောင်မြို့နယ်သို့ စစ်ကြောင်းရွှေ့လာချိန်တိုက်ပွဲထပ်မံဖြစ်ပွားရာ စစ်ကောင်စီတပ်သား နှစ်ဦး ထပ်မံသေဆုံးပြီး တစ်ဦးထိခိုက်ဒဏ်ရာရခဲ့ကြောင်း CDSOMက ဆိုသည်။

တိုက်ပွဲဖြစ်ပွားစဉ်တွင် စစ်ကောင်စီဘက်မှ လက်နက် ကြီး ၆၀(မမ) နှင့် ၄၀(မမ)တို့ အသုံးပြုပစ်ခတ်သည့် အချက်ရေပေါင်း ၁၅ ချက်ခန့်ဖြင့် ထိုးစစ်ဆင်ခဲ့သည့်အပြင် စနိုက်ပါများ အသုံးပြုကာ ဒေသခံပြည်သူ့ကာကွယ်ရေးတပ်များအား တိုက်ခိုက်ခဲ့သည်။

Public Service Announcement

ထို့ကြောင့် ပြည်သူ့ကာကွယ်ရေးတပ်ဖွဲ့ CDSOM မှ တပ်ဖွဲ့ဝင်သုံးဦးမှာ အကြမ်းဖက်စစ်ကောင်စီ၏ ဖမ်းဆီးခြင်းခံရပြီး ဦးခေါင်းသို့လက်နက်ဖြင့် တေ့ပစ်ခံရပြီး ကျဆုံးသွားခဲ့ပြီး တပ်ဖွဲ့ဝင်သုံးဦးမှာလည်း ဒဏ်ရာများ ရရှိခဲ့ကြောင်း ထုတ်ပြန်ချက်တွင် ဖော်ပြသည်။

ယနေ့ မဟာမိတ်ပူးပေါင်းစစ်ဆင်ရေးကို ပြည်သူ့တပ်မ တော်(မြောင်)-MUA၊မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့-CDSOM၊ PDF-Taloke ၊ နှလုံးလှလူမိုက်ကြီများအဖွဲ့၊ Burmese Guerrilla Force –BGF၊ MGN TIGER၊ MGN RAINGER ၊ ဗိုလ်တောက်ထွန်းအဖွဲ့၊ မြင်းမူလျှပ်စီးပြောက်ကျားအဖွဲ့ နှင့် 11 Brothers Revolution Forces တို့နှင့် အတူ ပူးပေါင်းတိုက်ပွဲဝင်ခဲ့ကြသည်။