ချင်းပြည်နယ် မင်းတပ်မြို့နယ်အတွင်းရှိ ကျေးရွာများတွင် တောလမ်းအတိုင်း စစ်ကြောင်းထိုးလာသည့် စစ်ကောင်စီတပ်များနှင့် ဒေသကာကွယ်ရေးတပ်ဖွဲ့ CDF-MINDAT အကြား တိုက်ပွဲများဖြစ်ပွားနေကြောင်း မင်းတပ်မြို့နယ် ပအဖ(သတင်းအဖွဲ့)က ထုတ်ပြန် သည်။
ယနေ့(ဒီဇင်ဘာ ၁၇)နေ့လယ် ၁နာရီခန့်တွင် မင်းတပ်မြို့နယ် ဘုရားစခန်းရွာသို့ စစ်ကောင်စီတပ်က ကျေးရွာတောလမ်းမှတဆင့် ရောက်လာခဲ့ပြီးနောက် မင်းတပ် CDF နှင့် တိုက်ပွဲဖြစ်ပွားခဲ့ကြောင်း ထုတ်ပြန်ချက်တွင် ဖော်ပြသည်။
ထို့ကြောင့် လက်ရှိအခြေအနေတွင် ဘုရားစခန်းကျေးရွားနှင့် အနီးဝန်းကျင်ကျေးရွာများရှိ ဒေသခံပြည်သူများ ဘေးလွတ်ရာသို့ အရေးပေါ်တိမ်းရှောင်နေရသည်ဟု ထုတ်ပြန်ချက်က ဆိုသည်။
“(ဒေသခံ)ရာဂဏန်းပဲ ရှိပါဦးမယ်။ အနီးနားက ရွာတွေပါ စစ်ရှောင်နေကြပါပြီ”ဟု မင်းတပ် CDF မှ တာဝန်ရှိသူတစ်ဦးက ပြောသည်။
Public Service Announcement
စစ်ကောင်စီတပ်နှင့် ဒေသကာကွယ်ရေးတပ် မင်းတပ် CDFတို့ တိုက်ပွဲဖြစ်ပွားလျှက်ရှိသော ဘုရားစခန်းကျေးရွာသည် မရှိန်းလှော် (အမ်တာ)ကျေးရွာအုပ်စုအတွင်းတည်ရှိပြီး တစ်အုပ်စုလုံးတွင် လူဦးရေ ၉၀၀ ကျော်ရှိသည်။
