မြိုင်မြို့နယ်တွင် အာဏာသိမ်းစစ်ကောင်စီယာဥ်တန်းအား ပြည်သူ့ကာကွယ်ရေးတပ်ဖွဲ့များက မိုင်းဆွဲတိုက်ခိုက်အပြီး အပြန်အလှန်တိုက်ပွဲတွင် ပေါက်မြို့နယ် ရဲစခန်းမှူးပါသေဆုံးသွားကြောင်း စခန်းမှူး၏ မိတ်ဆွေအချို့က ပြောသည်။
ယမန်နေ့(ဒီဇင်ဘာ ၁၇)က မြိုင်နှင့်ပေါက်မြို့နယ် ကြား နေရာအချို့တွင် အကြမ်းဖက်စစ်ကောင်စီနှင့် ဒေသခံပြည်သူ့ကာကွယ်ရေးတပ်များ တိုက်ပွဲဖြစ်ခဲ့ပြီး စစ်ကောင်စီဘက်က အထိနာခဲ့သည်။ ရဲတပ်ဖွဲ့ဝင် ငါးဦးအပါအဝင် စစ်ကောင်စီဘက်က ကိုးဦးသေဆုံးကြောင်း မြိုင်ပြည်သူ့ကာကွယ်ရေးတပ်ဖွဲ့ဘက်က ထုတ်ပြန်ထားသည်။ သေဆုံးသည့် ရဲတပ်ဖွဲ့ဝင် ငါးဦးထဲတွင် ပေါက်မြို့နယ် ရဲစခန်းမှူး ရဲမှူးကျော်မင်းထွန်းပါဝင်သည်ဟုသိရသည်။
“ရဲမှူးကျော်မင်းထွန်း မြိုင်မှာ မိုင်းဆွဲခံရလို့ သေသွားတယ်။ သူက စစ်တပ်ကနေ အသွင်ပြောင်း”ဟုရဲမှုးကျော်မင်ထွန်း၏ မိတ်ဆွေတစ်ဦးက People’s Springသို့ပြောသည်။
ရဲမှူးကျော်မင်းထွန်းသည် ရှမ်းပြည်နယ် မြောက်ပိုင်း ကွတ်ခိုင်မြို့တွင်လည်း တာဝန်ကျခဲ့ဖူးပြီး မြိုင်သို့ပြောင်းရွှေ့တာဝန်ထမ်းဆောင်သည်မှာ သုံးလခန့်သာ ရှိသေးသည်ဟု ကွတ်ခိုင်ဒေသခံအချို့ကပြောသည်။
Public Service Announcement
ဒီဇင်ဘာ ၁၇ရက်က မြိုင်နှင့်ပေါက်မြို့နယ် ကြား စစ်ကောင်စီအား တိုက်ခိုက်မှုကို မြိုင် PDFနှင့် Myaing Villages Revolution Front – MVRFက ပူးပေါင်းတိုက်ခိုက်ခဲ့ခြင်းဖြစ်ကြောင်း မြိုင် PDFကထုတ်ပြန်ထားသည်။
