မကွေးတိုင်း ဂန့်ဂေါမြို့နယ် စန်းမြို့ကျေးရွာတွင်စစ်ကောင်စီတပ်နှင့် ၎င်း၏ လက်ပါးစေ ပျူစောထီးများ ဝင်ရောက်စီးနင်း အကြမ်းဖက်မီးရှို့ခဲ့၍ လူနေအိမ် ၃၂လုံးမီးလောင် ပျက်စီးခဲ့ရသည်ဟုဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့က ထုတ်ပြန်သည်။
ဒီဇင်ဘာ ၂၁ရက်တွင် အကြမ်းဖက်စစ်ကောင်စီတပ်များနှင့် ပျူစောထီး များကစန်းမြို့ကျေးရွာကို ရောက်ရှိလာပြီး အကြမ်းဖက်ခဲ့ခြင်းဖြစ်ကြောင်း၊ ဒေသခံ ပြည်သူလူထုများ ထိခိုက်မှုရှိသည်ဟုလည်း ကြားသိရကြောင်း ထုတ်ပြန်ချက်၌ ဖော်ပြထားသည်။
နေအိမ်များ မီးလောင် ဆုံးရှုံးလိုက်ရသော ပြည်သူများအတွက် များစွာ စိတ်မကောင်းဖြစ်ရသည်ဟု ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့ကထုတ်ပြန်ခဲ့ပြီးဆုံးရှုံးထိခိုက်မှုများအတွက် တက်စွမ်းသရွေ့ ကူညီသွားမည်ဟုလည်းဖော်ပြထားသည်။
ဂန့်ဂေါနယ် ပြည်သူများနှင့် နိုင်ငံတဝန်း ရှိ ပြည်သူများကလည်း ဂန့်ဂေါမြို့နယ်အတွင်း ထိခိုက်ဆုံးရှုံးမှုများ နှင့် စစ်ကောင်စီတပ်ကို စွမ်းစွမ်း တမံ တွန်းလှန်နေသည့် ပြည်သူ့ကာကွယ်ရေးတပ်ဖွဲ့များကို ၀ိုင်းဝန်းကူညီပံ့ပိုးပေးကြရန် တိုက်တွန်းနှိုးဆောင်ကြောင်းလည်းထုတ်ပြန်ခဲ့သည်။
လက်ရှိတွင်စစ်ကောင်စီအကြမ်းဖက်၍ နေအိမ်များကို စွန့်ခွာခဲ့ရသည် စန်းမြို့ရွာ ဒေသခံများသည် ၎င်းတို့နှင့် မိုင်အနည်းငယ်ကွာဝေးသည့် မြင်သားရွာဘက်သို့ တိမ်းရှောင်နေကြောင်း မြင်သားရွာခံတစ်ဦးကပြောသည်။