Connect with us

Hi, what are you looking for?

LuduNwayOo

News

ကရင်နီပြည်သူများအား မီးရှို့သတ်ဖြတ်သည့် စစ်ကောင်စီကို ကမ္ဘာ့နိုင်ငံများက ထိရောက်စွာအရေးယူရန် ကိုးကန့်၊ ရခိုင်နှင့် တအာင်းတပ်ဖွဲ့များ တိုက်တွန်း

အဆိုပါ လက်နက်ကိုင်သုံးဖွဲ့အနက် MNDAA အဖွဲ့သည် စစ်တပ်အာဏာသိမ်းပြီးနောက်ပိုင်း စစ်ကောင်စီကို ခုခံတိုက်နေသည့်အဖွဲ့ဖြစ်ပြီး TNLAနှင့် AA တို့မှ တိုက်ပွဲဖြစ်ပွားမှုမရှိသည့် အဖွဲ့များဖြစ်ကာ AAသည် စစ်ကောင်စီဖြင့် အပစ်ရပ်ထားသည်မှာ တစ်နှစ်ကြာပြီဖြစ်သည်။

အာဏာသိမ်းစစ်ကောင်စီမှ ကရင်နီပြည်သူများအား လူမဆန်စွာ အစုလိုက်အပြုံလိုက် အရှင်လတ်လတ် မီးရှို့သတ်ဖြတ်ခြင်းနှင့်ပတ်သက်ပြီး ကမ္ဘာ့နိုင်ငံများက အမြန်ဆုံးထိရောက်စွာ အရေးယူနိုင်ရေး ၀ိုင်းဝန်းကြိုးပမ်း ဆောင်ရွက်သင့်ကြောင်း ကိုးကန့်လက်နက်ကိုင်အဖွဲ့ (MNDAA)၊ တအာင်းလက်နက်ကိုင်အဖွဲ့(TNLA)နှင့် ရခိုင်လက်နက်ကိုင်အဖွဲ့(AA)တို့က ပူးတွဲသဘောထား ထုတ်ပြန်ကြေညာခဲ့သည်။

အဆိုပါ လက်နက်ကိုင်သုံးဖွဲ့အနက် MNDAA အဖွဲ့သည် စစ်တပ်အာဏာသိမ်းပြီးနောက်ပိုင်း စစ်ကောင်စီကို ခုခံတိုက်နေသည့်အဖွဲ့ဖြစ်ပြီး TNLAနှင့် AA တို့မှ တိုက်ပွဲဖြစ်ပွားမှုမရှိသည့် အဖွဲ့များဖြစ်ကာ AAသည် စစ်ကောင်စီဖြင့် အပစ်ရပ်ထားသည်မှာ တစ်နှစ်ကြာပြီဖြစ်သည်။

ယင်းလက်နက်ကိုင်သုံးဖွဲ့သည် ဒီဇင်ဘာ ၂၄ရက်က ကရင်နီပြည်နယ် ဖရူဆိုမြို့နယ် မိုဆိုရွာ အနီး စစ်ကောင်စီတပ်က အပြစ်မဲ့ ပြည်သူ ၃၅ဦးကျော်အား ကားပေါ်တင်မီးရှို့ သတ်ဖြတ်ခြင်း၊ ပြည်သူများအား ပြန်လွှတ်ပေးရန် သွားရောက်ညှိနှိုင်းသည့် နယ်ခြားစောင့်တပ်ဖွဲ့ဝင် ​လေးဦးကို ပစ်ခတ်သတ်ဖြတ်ခြင်းအပေါ် ပြင်းထန်စွာ ကန့်ကွက်ရှုတ်ချကြောင်း ထုတ်ပြန်ခဲ့ခြင်းဖြစ်သည်။

ယခုကဲ့သို့ လုပ်ဆောင်မှုများသည် စစ်ကောင်စီတပ်က စစ်မြေပြင်၌ စောင့်စည်းရမည့် စစ်ဥပဒေ၊ အရပ်သားများကို အကာအကွယ်ပေးရမည့် ဥပဒေများကို မျက်ကွယ်ပြုကာ လူသားမျိုးနွယ် အပေါ် ရည်ရွယ်ချက်ရှိရှိ ကျူးလွန်သည့် စစ်ရာဇဝတ်မှုများ ဖြစ်သည်ဟု ဆိုသည်။ယင်းလုပ်ရပ်များသည် ကိုးကန့်၊တအာင်းနှင့် ရခိုင်ဒေသများ၌ စစ်ကောင်စီတပ် လုပ်လေ့လုပ်ထ ရှိသည့် လုပ်ရပ်သာဖြစ်ပြီး လူသားမျိုးနွယ် အပေါ် ကြီးမားသော ပြစ်မှုများကို ကြိမ်ဖန်များစွာ ပြောင်ပြောင် တင်းတင်း လက်ရဲဇက်ရဲ ကျူးလွန်နေခြင်းဖြစ်ကြောင်း ဖော်ပြထားသည်။

Public Service Announcement

Public Service Announcement

မီးရှို့သတ်ဖြတ်ခံရသည့် အပြစ်မဲ့ပြည်သူလူထုများ၏ မိသားစုများနှင့်အတူ ဝမ်းနည်းကြေကွဲရကြောင်း၊ စစ်ကောင်စီ၏ ရက်စက် ကြမ်းကြုတ်သည့် လုပ်ရပ်များအပေါ် ပြင်းထန်စွာ ကန့်ကွက်ရှုတ်ချကြောင်း လက်နက်ကိုင်သုံးဖွဲ့က ထုတ်ပြန်ခဲ့ပြီး ကမ္ဘာ့ နိုင်ငံကြီးများအနေဖြင့်လည်း စစ်ကောင်စီကျူးလွန်ထားသည့် လူ့အခွင့်အရေးချိုးဖောက်မှုများ စစ်ရာဇဝတ်မှုများ လူသားမျိုးနွယ်အပေါ် ပြစ်မှုကျူးလွန်နေခြင်းများကို အမြန်ဆုံး ထိရောက်စွာ အရေးယူနိုင်ရေးအတွက် ၀ိုင်းဝန်း ကြိုးပမ်းဆောင်ရွက်သင့်ကြောင်း သဘောထား ဖော်ပြခဲသည်။

လက်နက်ကိုင်သုံးဖွဲ့၏ ပူးတွဲထုတ်ပြန်ချက်တွင် စစ်ကောင်စီတပ်ကို ခုခံတိုက်ခိုက်မှုများ လုပ်ဆောင်ရန် ရှိမရှိကိုမူ ဖော်ပြမထားပေ။ ယင်းလက်နက်ကိုင်သုံးဖွဲ့အနက် MNDAA တစ်ဖွဲ့တည်းကသာ စစ်ကောင်စီကို တော်လှန်သွားမည် ဖြစ်ကြောင်း သဘောထား ဖော်ပြထားပြီး TNLAနှင့် AAတို့မှာ အာဏာသိမ်းပြီး ၁၁လ ကြာသည် အထိ နုတ်ဆိတ်နေသည့် အဖွဲ့များဖြစ်သည်။

ဆက်စပ်သတင်းများ

သတင်း

ကုလသမဂ္ဂသည် မြန်မာပြည်ရှိ လူပေါင်း ၂ သန်းကျော်ကို ရောက်ရှိကူညီခဲ့ပြီးဖြစ်ပြီး လာမည့် ၂၀၂၅ နှစ်ကုန်တွင် လူပေါင်း ၈ သန်း​အထိ ရောက်ရှိကူညီနိုင်ရန် ရည်မှန်းထားသည်ဟု ဆိုသည်။

မေးမြန်းခန်း

အာဏာသိမ်းစစ်​ကောင်စီအ​ပေါ် ပတ္တနိက္ကုဇ္ဇန ကံဆောင်သပိတ် စတင်ပြုလုပ်ရခြင်းနှင့်ပတ်သက်၍ သပိတ်ဦးဆောင်ရာတွင်ပါဝင်သည့် ချောင်းဦးဆရာတော်နှင့် လူထုနွေဦး၏ ​မေးမြန်းခန်းကို ဖော်ပြလိုက်ပါသည်။

သတင်း

တအာင်းဒေသ လက်ရှိ စစ်ရေး၊နိုင်ငံရေး အခြေအနေများနှင့်ပတ်သက်ပြီး ဗိုလ်ချုပ်တားဘုန်းကျော်၏ ပြောကြားချက်များကို TNLA သတင်းပြန်ကြားရေးဌာနက ဖော်ပြခဲ့ခြင်းဖြစ်သည်။

သတင်း

ပတ္တနိက္ကုဇ္ဇန ကံဆောင်သပိတ်အား ယမန်နေ့ (ဇွန်လ ၂၃ ရက်​)တွင် စစ်ကိုင်းတိုင်း၊ ချောင်းဦးမြို့နယ်တနေရာရှိ ဘုရားတစ်ဆူတွင် သံဃာတော်များစုဝေး၍ စတင်ပြုလုပ်ခဲ့သည်။