နတ်​ချောင်းရွာတိုက်ပွဲ ပြည်သူ့ကာကွယ်​ရေးတပ်မှ ၂ဦးကျပြီး ၆ဦးဒဏ်ရာရ၊ စစ်​ကောင်စီတပ်​သေဆုံး ဒဏ်ရာရမှုများရှိ​သော်လည်း အ​ရေအတွက်မသိရ​သေး

ကလေးမြို့နယ်၊ နတ်ချောင်းရွာတွင် အကြမ်းဖက်စစ်ကောင်စီနှင့် ဒီဇင်ဘာ ၂၆ ရက်တစ်ညလုံးဖြစ်ပွား​သောတိုက်ပွဲတွင် ဒေသခံပြည်သူ့ကာကွယ်ရေးတပ်ဖွဲ့ ဝင် ၂ နှစ်ဦးကျဆုံးခဲ့ပြီး ခြောက်ဦးမှာ မစိုးရိမ် ဒဏ်ရာရရှိခဲ့သည်ဟု က​လေးPDF နှင့်ချင်းအမျိုးသားအဖွဲ့ချုပ်တို့က သတင်းထုတ်ပြန်သည်။

နတ်ချောင်းရွာ အထက်တန်းကျောင်းနှင့် အောင်ဆုပန် ဘုန်းကြီးကျောင်းတို့တွင် တပ်စွဲထားသည့် အကြမ်းဖက်စစ်ကောင်စီတပ်သားများကို ဒေသခံကာကွယ်ရေးတပ်ဖွဲ့များဖြစ်​သော PDF(ကလေး) ၊ ရိမ်းဂျားကလေးကာကွယ်ရေးတပ်(RKDF)၊ ဖလမ်းအခြေစိုက် ပြည်သူ့ကာကွယ်ရေးတပ်( CNDF) နှင့် ပြည်သူကာကွယ်ရေးတပ်ဖွဲ့ (ပကဖ) တို့က ပူးပေါင်း၍ ဒီဇင်ဘာ ၂၆ ရက် ညနေ ၆ နာရီမှ ဒီဇင်ဘာ ၂၇ ရက်မနက် ၆ နာရီအထိ တိုက်ပွဲများပြင်းထန်ခဲ့ခြင်းဖြစ်သည်။တိုက်ပွဲဖြစ်ပွားချိန်အတွင်း နည်းပညာတက္ကသိုလ်(ကလေး)တွင် တပ်စွဲသည့် အကြမ်းဖက်စစ်တပ်က လက်နက်ကြီးများဖြင့် ပစ်ခတ်တိုက်ခိုက်ခဲ့သည်။ ထိုကြောင့် ပြည်သူ့ကာကွယ်​ရေးတပ်ဖွဲ့များ၏ စစ်ကြောင်းတစ်ခုကလည်း နည်းပညာတက္ကသိုလ်(က​​လေး)တွင်တပ်စွဲထား​သောအကြမ်းဖက်စစ်​ကောင်စီတပ်ကို သွားရောက်တိုက်ခိုက်ခဲ့ရသည်ဟု က​လေးPDFက ထုတ်ပြန်သည်။

ထိုတိုက်ပွဲတွင် လက်နက်ကြီးထိမှန်၍ ပကဖ(ပြည်သူ့ကာကွယ်​ရေးတပ်ဖွဲ့ဝင်) တပ်သားနှစ်ဦးသည် ၊ကျဆုံးခဲ့ပြီး PDF(ကလေး) ၊CNDFတို့မှာ တစ်ဦးစီနှင့် ပကဖမှ လေးဦး မစိုးရိမ်ရဒဏ်ရာများရရှိခဲ့သည်ဟု ထုတ်ပြန်ချက်များတွင်ဖော်ပြထားသည်။ အကြမ်းဖက်စစ်ကောင်စီဘက်မှ ​သေဆုံးထိခိုက်မှုမူများရှိသော်လည်း စာရင်းအတိအကျကို မသိနိုင်ဟု​ဖော်ပြထားသည်။

ထိုအပြင် ယ​နေ့ (ဒီဇင်ဘာ ၂၇)နံနက်တွင်PDF(ကလေး) နှင့် CNDFတို့သည် ကလေးမြို့၊ တာဟန်းရပ်ကွက်အတွင်းရှိ ဗိုလ်ချုပ်လမ်းနှင့် ဝယ်စလီလမ်းထောင့်ရှိ အကြမ်းဖက်စစ်ကောင်စီကင်းနှင့် စမ်းမြို့မူးယစ်ရဲစခန်းတို့ကို တပြိုင်နက်ဝင်ရောက်တိုက်ခိုက်ခဲ့သည်။ ထိုတိုက်ပွဲများတွင် အကြမ်းဖက်စစ်ကောင်စီတပ်သားများအကျအဆုံးရှိနိုင်သော်လည်း ပြည်သူကာကွယ်ရေးတပ်များက အထိအခိုက်မရှိခဲ့​ပေ။CNDF၏ ထုတ်ပြန်ချက်အရ ထိုတိုက်ပွဲအတွင်း အကြမ်းဖက်စစ်ကောင်စီ၏ ယာဉ်တစ်စီးကိုပါ သိမ်းစည်းရမိသည်ဟုပါရှိသည်။ တိုက်ပွဲများအတွင်း ကလေးမြို၊တောင်ဇလပ်ရပ်ကွက်ရုံးသည်လည်း ယနေ့ နံနက် ၅ နာရီခန့်တွင် မီးလောင်ပျက်စီးသွားသည်ဟု ဒေသခံများက ပြောသည်။

Public Service Announcement

အကြမ်းဖက်စစ်ကောင်စီတပ်က ယ​နေ့ ည​နေတွင် နတ်ချောင်းရွာအတွင်း ရဟတ်ယာဉ်ဖြင့် အင်အားတစ်ရာကျော် ချထားခဲ့ပြီး ညဦးပိုင်းကစတင်ကာ ရွာအတွင်းအရပ်သားနေအိမ်များကို မီးရှို့နေ​ကြောင်းကလေးမြို့ခံ များကပြောသည်။

ည ၁၀ နာရီခန့်အထိ နေအိမ်ဆယ်လုံးခ​ကျော်လောင်ကျွမ်းနေသည်ကိုတွေ့ရသည်ဟု ဒေသခံများကဆက်ပြောသည်။

“ညနေက ရဟတ်ယာဉ်နဲ့ လူချသွားတယ်။အင်အားတစ်ရာလောက်ရှိမယ်။အဲ့ကောင်တွေက အိမ်တွေကို မီးလိုက်ရှို့နေတာ”ဟု ကလေးမြို့ခံတစ်ဦးက ပြောသည်။

ယမန်နေ့ညကတစ်ညလုံးတိုက်ပွဲဖြစ်​နေသည့်အပြင် နတ်ချောင်းကျေးရွာကို အကြမ်းဖက်စစ်ကောင်စီတပ်က လက်နက်ကြီးများဖြင့် ပစ်ခတ်တိုက်ခိုက်ခဲ့၍ ရွာအတွင်းကျန်​နေ​သောဒေသခံများညတွင်းချင်း ထွက်ပြေးခဲ့ရသည်။

အကြမ်းဖက်စစ်ကောင်စီက နတ်ချောင်းကျေးရွာအတွင်း အပြစ်မဲ့ပြည်သူ ၂၀ခန့်ကို ပစ်သတ်ခဲ့ပြီး လူသေအလောင်းသွားကောက်သွားသူများကိုပါ ပစ်ခတ်နေသည်ဟု ​ဒေသခံများက​ ပြောသည်။

ထိုအပြင်ထပ်မံရရှိ​သောသတင်းအရ ကလေးမြို့ရှိ အကြမ်းဖက်စစ်ကောင်စီတပ်သားများကုသ​ပေး​နေသည့်ဆေးရုံတွင်လည်း ယနေ့ (ဒီဇင်ဘာ၂၇) နံနက်ပိုင်းက ပေါက်ကွဲမူတစ်ခုဖြစ်ပွားခဲ့ပြီး အကြမ်းဖက်စစ်ကောင်စီတပ်သား ၇ဦးခန့်သေဆုံးသွားသည်ဟု ဒေသခံများနှင့် ဒေသတွင်း လူမူကွန်ယက်များကရေးသားဖော်ပြချက်အရသိရသည်။ ထိုပေါက်ကွဲမူသည် ဗုံးပေါက်ကွဲမူ သို့မဟုတ် အခြားပေါက်ကွဲမူဖြစ်သည်ဟု သေချာမသိရပေ။ ထိုပေါက်ကွဲမူများနှင့်ပတ်သတ်ပြီး ကာကွယ်ရေးတပ်ဖွဲ့များကလည်း တစုံတရာထုတ်ပြန်ခြင်းမရှိပေ။ အဆိုပါ ​ပေါက်ကွဲမှု နှင့် ပတ်သပ်၍ People’s Spring ကလည်းသိးခြားအတည်မပြုနိုင်​သေး​ပေ။