ငွေ​တောင်ဆည်တိုက်ပွဲ စစ်​ကောင်စီတပ်အထိ့အခိုက်အကျအဆုံးများစွာဖြင့်ပြန်လည်ဆုတ်ခွာ

ကရင်နီ(ကယား)ပြည်နယ်၊ ဒီးမော့ဆိုမြို့နယ် ၊ငွေတောင်ဆည်အနီးတွင် ပြည်သူ့ကာကွယ်​ရေးတပ်ဖွဲ့များနှင့် အကြမ်းဖက်စစ်ကောင်စီတပ်ဖွဲ့များ ယ​နေ့ တစ်​နေပြင်းထန်စွာဖြစ်​ပွား​သောတိုက်ပွဲတွင် စစ်​ကောင်စီတပ်မှအထိ့အခိုက်အကျအဆုံးများစွာဖြင့် ပြန်လည်ဆုတ်ခွာသွား​ကြောင်း ပြည်သူ့ကာကွယ်ရေးတပ်-PDF (လွိုင်ကော်)ကသတင်းထုတ်ပြန်သည်။

မနက် မှ ည မှောင်ရီပျိုးချိန်ထိ့ပြင်းထန်စွာဖြစ်ပွားခဲ့​သောတိုက်ပွဲတွင်လွိုင်ကော် PDF / ဒီးမော့ဆို PDF / KA / မိုးဗြဲ PDF / ဖယ်ခုံ PDF / KNDF / KGZ စသည့် ပြည်သူ့ကာကွယ်​ရေးတပ်ဖွဲ့များ ပူးပေါင်းတိုက်ခိုက်ခဲ့ကြပြီး ပြည်သူ့တပ်များ၏ ချေမှုန်းတိုက်ခိုက်မှု ကြောင့် အကြမ်းဖက်စစ်ကောင်စီတပ်သည် အထိအခိုက် အပျက်အစီး များစွာဖြင့် ပြန်လည်ဆုတ်ခွါခဲ့ရသည်။

စစ်​ကောင်စီတပ်က အထိ့အခိုက်အကျအဆုံးများ​သောကြောင့် အကြမ်းဖက်အုပ်စုသည် လက်နက်ကြီးအင်အား အလွန်အကျွံသုံးခြင်း၊ တင့်ကားများဖြင့် တိုက်ခိုက်ခြင်း၊ တိုက်လေယာဉ်များပင် အသုံးပြုကာ ဗုံးကျဲ ပစ်ခတ် တိုက်ခိုက်ခြင်းတို့ကို ပြုလုပ်ခဲ့​ကြောင်း PDF-လွှိင်​​ကော် သတင်းနှင့်ပြန်ကြား​ရေးက ယ​နေ(ဒီဇင်ဘာ ၃၁)ည ၁၁ နာရီတွင် ထုတ်ပြန်သည်။

လွိုင်ကော် PDF မှ ရဲဘော် (၈) ဦးမစိုးရ​သော ဒဏ်ရာ များရခဲ့ကြပြီး၊အခြား မဟာမိတ်တပ်များမှလည်း အချို့ရဲဘော်များ ဒဏ်ရာ ရရှိမှု အချို့ ရှိသည်ဟု​ပါရှိသည်။

Public Service Announcement

ယခုတိုက်ပွဲတွင် အကြမ်းဖက်စစ်အုပ်စုမှ ကျဆုံးမှု များပြားကြောင်းကို မြေပြင်ရဲဘော်များမှ အတည်ပြုနိုင်သော်လည်း အရေအတွက်ကိုမူ အတည်မပြုနိုင်ပါ ဟု လွှိင်​ကော် PDFကထုတ်ပြန်သည်။