ပု​လောတိုက်ပွဲတွင် ပျူ​စောထီးတစ်ဦး​သေ၊ တစ်ဦးဒဏ်ရာရ၊ လက်နက်နှင့်ကျည်အချို့သိမ်းဆည်းနိုင်ခဲ့

■PDFတပ်ဖွဲ့ဝင်တစ်ဦးကျဆုံး၊ တစ်ဦးဒဏ်ရာရ

တနသာ်ရီတိုင်း ၊ပုလောမြို့တွင် ဒေသခံကာကွယ်ရေးတပ်ဖွဲ့နှင့် အကြမ်းဖက်စစ်ကောင်စီလက်အောက်ခံ ပျူစောထီးအဖွဲ့တို့ ယနေ့အနီးကပ်တိုက်ပွဲဖြစ်ပွားနောက် ပျူစောထီးတစ်ဦး သေဆုံးပြီး ၊PDFတစ်ဦး ကျဆုံးခဲ့​ကြောင်း ပြည်သူကာကွယ်ရေးတပ်မတော်-PDF(ပုလော) ကသတင်းထုတ်ပြန်သည်။

ထိုတိုက်ပွဲတွင် ပုလောမြို့ ကဒဲကျေးရွာတွင် ယနေ့မနက် ၆နာရီတွင် တိုက်ပွဲဖြစ်ပွားခဲ့ပြီး ပျူစောထီးတစ်ဦး​သေဆုံးပြီး ၊တစ်ဦးဒဏ်ရာရရှိခဲ့သည်။ ပျူစောထီးများထံမှ သေနတ်တစ်လက်၊ ကျည်ဆံ ၂၀၀ နှင့်လက်ပစ်ဗုံးတစ်လုံးသိမ်းဆည်းရမီခဲ့​သည်။

တိုက်ပွဲတွင်PDF ပု​လောမှလည်း တစ်ဦးကျဆုံးပြီး ၊တစ်ဦးမစိုးရိမ်ရ​​သောဒဏ်ရာရရှိခဲ့သည်ဟု PDF(ပုလော) ကထုတ်ပြန်သည်။ တိုက်ပွဲအပြီးတွင် ကဒဲကျေးရွာမှ နေအိမ်အချို့ကို ပျူစောထီးများက မီးရှို့ဖျက်ဆီးခဲ့သည်ဟုထုတ်ပြန်
ချက်တွင်ပါရှိသည်။

Public Service Announcement

ပျူစောထီးအဖွဲ့ကို PDF ပူးပေါင်းအဖွဲ့က သွားရောက်တိုက်ခိုက်ခဲ့ခြင်းဖြစ်ပြီး တိုက်ပွဲနှစ်ကြိမ် ဖြစ်ပွားခဲ့ခြင်းဖြစ်သည်ဟု ဒေသခံများကပြောသည်။

“ပုလောက ပဝတ်ကုန်းရွာက ပျူစောထီးတွေကို PDFတွေက သွားရှင်းရင်း တိုက်ပွဲဖြစ်တာ၊”ဟု ဒေသခံတစ်ဦးကပြောသည်။

ပျူစောထီးအဖွဲ့မှ ​သေဆုံးသူမှာ လွင်ဦးဆိုသူဖြစ်ပြီး ၎င်း၏ သမက်မှာလည်း ဒဏ်ရာရရှိခဲ့၍ ပလတိုက်နယ်ဆေးရုံးတွင် ဆေးကုသခံနေရသည်ဟု ဒေသခံများကပြောသည်။

တိုက်ပွဲတွင် ကျဆုံးခဲ့သည် PDFတပ်သားသည် တပ်စိတ်မှူးရဲဘော်ဖြူဖွေးဖြစ်ပြီး နိုင်ငံတာဝန်ကို ကျေပွန်စွာထမ်းဆောင်ခဲ့သည်ကို ဂုဏ်ပြုမှတ်တမ်းတင်သည်ဟု PDF(ပုလော) က ယနေ့ ညနေပိုင်းတွင် ထုတ်ပြန်သည်။ ၎င်း၏ နာရေးကို ယနေ့ ညနေပိုင်းတွင် ပြုလုပ်ခဲ့သည်ဟုလည်းပါရှိသည်။

ထိုအပြင်ယနေ့တွင် သရက်ချောင်းမြို့နယ်၊ စော်ဖျားရွာရှိ ပျူစောထီးအဖွဲ့ဝင်တစ်ဦးလည်း ပစ်သတ်ခံခဲ့ရသည်ဟု ဒေဿခံများကပြောသည်။