ကျိုက်ထိုမြို့နယ်၊ အင်္ဂဘိုကျေးရွာ တိုက်ပွဲတွင် အကြမ်းဖက်စစ်ကောင်စီတပ်သား ၅ ဦး သေကာ ၄ ဦးဒဏ်ရာရရှိခဲ့ကြောင်း Kyaikhto Revolution Force က ထုတ်ပြန်သည်။
ယနေ့(ဇန်နဝါရီ ၄ ရက်) နံနက် ၆ နာရီ ၁၅ မိနစ်ခန့်က အင်္ဂဘိုကျေးရွာ အင်္ဂဘိုဆီအုန်းခြံဘန်ဂလို၌ နယ်မြေကျူးကျော်လာသော စစ်ကောင်စီတပ်ဖွဲ့ကို KNU/KNLA ဦးဆောင်သော တော်လှန်ရေးအင်အားစုပူးပေါင်းအဖွဲ့ မှ သွားရောက်တိုက်ခိုက်ခဲ့သည်။မိနစ်(၃၀)ခန့် ကြာတိုက်ပွဲတွင် KNLA နှင့် ပူး ပေါင်းအဖွဲ့များ ထိခိုက်မှုမရှိခဲ့ကြောင်းလည်း ထုတ်ပြန်ချက်တွင် ဖော်ပြသည်။
ထို့အပြင် ဇန်နဝါရီ ၃ ရက် ည ၈ နာရီခန့်က ကျိုက်ထိုမြို့နယ်တွင် NLD ဝန်ကြီးချုပ် ဒေါက် တာအေးဇံ ၏ဇနီးနှင့်သားကို သွားဖမ်းသည့် စစ်ကောင်စီတပ်မှာ ကြားဖြတ်တိုက်ခံရပြီး (၃)ဦးထက်မနည်း သေဆုံးခဲ့ကြောင်း ဒေသခံ သတင်းများက ဆိုသည်။ထိုဖြစ်စဥ်တွင် တပ်မ(၄၄)
လက်အောက်ခံ စစ်ကောင်စီတပ်ကို KNLA တပ်မဟာ(၁) တပ်ရင်း (၃)ဘက်က ပစ်ခတ်တိုက်ခိုက်ခဲ့ခြင်းဖြစ်သည်။
ကျိုက်ထိုမြို့နယ်တွင် အကြမ်းဖက်စစ်ကောင်စီ၏ စစ်ရေးတိုးမြှင့်လှုပ်ရှားမှုများကြောင့် KNLA နှင့် ဒေသပြည်သူ့ကာကွယ်ရေးအဖွဲ့များ ပူးပေါင်း၍တိုက်ခိုက်မှုများ ပိုမိုပြုလုပ်လာသည်။
Public Service Announcement
