ချင်းပြည်နယ် မတူပီ – ဟာခါးလမ်း၌ ယမန်နေ့က ဖြစ်ပွားခဲ့သည့် တိုက်ပွဲတွင် စစ်ကောင်စီတပ်က ခရီးသွားပြည်သူ ခုနစ်ဦးကို ဖမ်းဆီးကာ လူသားဒိုင်းအဖြစ်တိုက်ပွဲအတွင်းအသုံးပြုနေကြောင်း မတူပီ ချင်းကာကွယ်ရေးတပ်ဖွဲ့(CDF)က ယနေ့ ထုတ်ပြန် သည်။
ဇန်နဝါရီ ၆ရက်က မတူပီ – ဟားခါးလမ်း ကီလှုန်းနှင့် လုံလှောရွာ အကြား အင်အားအလုံးအရင်းဖြင့် စစ်ကြောင်းထွက်လာသည့် စစ်ကောင်စီတပ်များကို CDF ပူးပေါင်းအဖွဲ့က တိုက်ခိုက်ခဲ့ကြောင်း၊ လက်ရှိအချိန်ထိ တိုက်ပွဲအခြေအနေ တင်းမာနေသော ကြောင့် စစ်ကောင်စီဘက်မှ သေဆုံးဒဏ်ရာရမှုကို အတည်မပြုနိုင်သေးကြောင်း ဖော်ပြထားသည်။
အဆိုပါတိုက်ပွဲအတွင်း CDF ပူးပေါင်းတပ်ဖွဲ့မှ ကျဆုံး ထိခိုက်ဒဏ်ရာရရှိသူမရှိဟုလည်း ထုတ်ပြန်သည်။
ဇန်နဝါရီ ၄ရက်ကလည်း မတူပီ-ဟားခါးလမ်း၌ တိုက်ပွဲဖြစ်ခဲ့ရာ စစ်ကောင်စီတပ်မှ အရာရှိတစ်ဦး အပါအဝင် သုံးဦး သေဆုံးခဲ့သည်ဟု မတူပီ CDFက ဆိုသည်။
Public Service Announcement
ဇန်နဝါရီ ၃ရက်နှင့် ၄ရက်ကလည်း မတူပီ – ပလက်၀ လမ်းရှိ စစ်ကောင်စီတပ်၏ ထယ်ဘွေးစခန်းကို CDFက တိုက်ခိုက်ခဲ့၍ နှစ်ရက်ဆက် တိုက်ပွဲဖြစ်ခဲ့ပြီး စစ်ကောင်စီတပ်က သေဆုံးထိခိုက်မှုများရှိခဲ့ပြီး CDF တပ်ဖွဲ့ဝင်အချို့ ဒဏ်ရာရခဲ့သည်။
