မင်းတပ် – မတူပီလမ်းတွင် CDFတိုက်ခိုက်၍ စစ်ကောင်စီတပ်မှ လေးဦးထက်မနည်းသေ

မင်းတပ် – မတူပီလမ်းတွင် စစ်ကောင်စီတပ်ကို မင်းတပ်ချင်းကာကွယ်ရေးတပ်ဖွဲ့(CDF)က နှစ်ကြိမ်တိုက်ခိုက်ခဲ့ရာ စစ်ကောင်စီတပ်မှ လေးဦးထက်မနည်းသေဆုံးခဲ့သည်ဟု မင်းတပ်မြို့နယ်ပြည်သူ့အုပ်ချုပ်ရေး သတင်းအဖွဲ့က ထုတ်ပြန်သည်။

မင်းတပ်မှ မတူပီမြို့ဘက်သို့ ဦးတည်ထွက်ခွာလာသည့် သံချပ်ကာ ၂ စီးပါ စစ်ယာဉ်တန်းကို ဇန်နဝါရီ၁၀ရက်က မင်းတပ် CDFက တိုက်ခိုက်ခဲ့ပြီးနောက် ယနေ့(ဇန်နဝါရီ ၁၁ရက်)နံနက်တွင်လည်း အဆိုပါ ယာဉ်တန်း၏ ရှေ့ကင်း နှင့် CDF မင်းတပ်တို့ မိုင်တိုင် ၃၉ တွင်တိုက်ပွဲဖြစ်ပွားခဲ့သည်။

ညနေပိုင်းတွင်လည်း စစ်ကောင်စီယာဉ်တန်းကို မင်းတပ် -မတူပီလမ်း ၄၂မိုင်တွင် မင်းတပ် CDFက ချုံခို တိုက်ခိုက် ခဲ့ရာ စစ်ကောင်စီတပ်မှ စက်သေနတ်သမား အပါအဝင် လေးဦးသေဆုံးခဲ့ကြောင်း၊ CDFတပ်ဖွဲ့ဝင်များ ထိခိုက်မှု မရှိကြောင်း မင်းတပ်မြို့နယ်ပြည်သူ့အုပ်ချုပ်ရေး သတင်းအဖွဲ့က ထုတ်ပြန်သည်။

ထို့ပြင် ၄၅မိုင်တွင်လည်း CDFက မိုင်းခွဲတိုက်ခိုက်ခဲ့ရာ စစ်ကောင်စီတပ်မှ ထိခိုက်ကျဆုံးမှုများ ရှိနိုင်မည်ဟုလည်း ခန့်မှန်းထားသည်။

Public Service Announcement