မန္တလေးမြို့ ပြည်ကြီးတံခွန်မြို့နယ်(ဆ)ရပ်ကွက်အုပ်ချုပ်ရေးမှူးရုံးတွင် တပ်စွဲထားသော စစ်ကောင်စီတပ်ကို ပစ်ခတ်တိုက်ခိုက်ခဲ့ကြောင်း မြို့ပြပြောက်ကျားတပ်ဖွဲ့တစ်ခုဖြစ်သည့် Rangers Of Mandalay(ROM)က ယနေ့(ဇန်နဝါရီ ၁၇) ထုတ်ပြန်သည်။
အဆိုပါ တိုက်ခိုက်မှုကို Rangers Of Mandalay (ROM)နှင့် YNO MDY PDF အဖွဲ့တို့မှ ပူးပေါင်းတိုက်ခိုက်ခဲ့ခြင်းဖြစ်ပြီး စစ်ကောင်စီဘက်မှ နှစ်ဦးသေဆုံးသွားကြောင်း ထုတ်ပြန်ချက်တွင် ဖော်ပြသည်။
ပြည်ကြီးတံခွန်မြို့နယ် လမ်း(၁၃၀)စျေးအနီးရှိ (ဆ)ရပ်ကွက်အုပ်ချုပ်ရုံးမှူးရုံး၌ တပ်စွဲထားသော စစ်ကောင်စီတပ်ကို ဗုံးပစ်တိုက်ခိုက်ခဲ့ရာ ဘန်ကာအတွင်းရှိ စစ်ကောင်စီတပ်ဖွဲ့ဝင်နှစ်ဦး သေဆုံးခဲ့ခြင်းဖြစ်သည်ဟု ROM က ဆိုသည်။
ဗုံးဖြင့်ပစ်ခတ်တိုက်ခိုက်ခံရချိန်တွင် စစ်ကောင် စီဘက်မှ ပြန်လည်ပစ်ခတ်မှုရှိခဲ့သော်လည်း ROM နှင့် မဟာမိတ်တပ်ဖွဲ့ဝင်များ အထိအခိုက်မရှိဘဲ ပြန်လည်ဆုတ်ခွာလာနိုင်ခဲ့ကြောင်း ၎င်းတို့က အတည်ပြုသည်။
Public Service Announcement
“UG တွေလဲ ကြပ်နေလို့ ပြည်သူတွေပူးပေါင်းပါဝင်ပေးဖို့၊ တော်လှန်ရေးကိုအာရုံစိုက်ကြဖို့ပဲပြောချင်ပါတယ်”ဟု ROM မြို့ပြပြောက်ကျား တပ်ဖွဲ့မှ တာဝန်ရှိသူတစ်ဦးက မှတ်ချက်ပေးသည်။
ပြည်ကြီးတံခွန်မြို့နယ်တွင် မြို့ပြပြောက်ကျားတပ်ဖွဲ့များမှ စစ်ကောင်စီတပ်နှင့် ၎င်း၏ ထောက်တိုင်များအား တိုက်ခိုက်လျက်ရှိရာ ယခုလအတွင် (ဆ)ရပ်ကွက်မှ ရာအိမ်မှူးတစ်ဦး ပစ်သတ်ခံရပြီး မြို့နယ်လျှပ်စစ်မီတာရုံး ဗုံးခွဲ တိုက်ခိုက်ခံခဲ့ရသည်။
