ပြင်သစ်ရေနံကုမ္ပဏီ Total Energiesက မြန်မာနိုင်ငံရှိဆက်လက်လုပ်ကိုင်မည့် လုပ်ငန်းများကိုရုပ်သိမ်းကြောင်း ယနေ့ တရားဝင်ထုတ်ပြန်လိုက်သည်။
မြန်မာနိုင်ငံတွင် ၂၀၂၁ ခုနှစ် ဖေဖော်ဝါရီ ၁ ရက်က အာဏာသိမ်းပြီးနောက် ဖြစ်ပွားနေသည့် လူ့အခွင့်အရေးချိုးဖောက်မှုများကို Total Energies ကအကြိမ်ကြိမ်ရှုတ်ချခဲ့သည်။
ထိုကြောင့် ယခုချိန်မှာစ၍ ကုမ္ပဏီ၏ အခြေခံမူများအရ အချက် သုံးချက်ကိုအခြေခံ ဆုံးဖြတ်ချက်ခဲ့သည်ဟု ပြင်သစ်ကုမ္ပဏီက ထုတ်ပြန်လိုက်သည်။
ပထမအချက်မှာဓာတ်ငွေ့ပိုက်လိုင်းသည် မြန်မာနှင့်ထိုင်းပြည်သူများအတွက် လျှပ်စစ်ဓာတ်အား ထောက်ပံ့မူမရှိမဖြစ်လိုအပ်ခြင်းကြောင့်ဆိုသည်။
Public Service Announcement
ဒုတိယအချက်မှာ ကုမ္ပဏီ၏ ဝန်ထမ်းများကို ရုပ်ပိုင်းနှင့်စိတ်ပိုင်းဆိုင်ရာ ဖိအားပေးမူ၊ တရားစွဲဆိုမူများနှင့် အဓမ္မဖိအားပေး ခိုင်းစေမူများကို ကာကွယ်ပေးရန်နှင့်တတိယအချက်မှာ စစ်ကောင်စီထိန်းချုပ်ထားသည့် မြန်မာရေနံနှင့်သဘာဝဓာတ်ငွေ့လုပ်ငန်း(MOGE)သို့ ငွေကြေးစီးဆင်းမူဖြတ်တောက်ရန် တို့ဖြစ်သည်ဟု ပြင်သစ်ရေနံကုမ္ပဏီ ၏ ထုတ်ပြန်ချက်တွင်ဖော်ပြထားသည်။
အာဏာသိမ်းစစ်ကောင်းစီအတွက် နိုင်ငံခြားငွေရရှိစေသော သဘာဝဓါတ်ငွေ့ ထုတ်လုပ်တင်ပို့ရောင်းချမှုများကို ဆက်လက်မလုပ်ကိုင် ရန် ပြည်တွင်း၊ပြည်ပရှိ မြန်မာ့ဒီမိြကရေစီအရေးအတွက် ကူညီနေသော အရပ်ဖက်အဖွဲ့အစည်းများ၊ပညာရှင်များ ၊ပြည်သူများကလည်း လက်မှတ်များရေးထိုး၍ ပြင်သစ်ရေနံကုမ္ပဏီTotoal နှင့်အမေရီကန်ရေနံကုမ္ပဏီ Chevron တို့ကိုတိုက်တွန်းတောင်းဆိုထားကြသည်။
