စစ်​ကောင်စီ​ထောင်ထားတဲ့မိုင်းနင်းမိပြီး ကိုယ်ဝန်သည်​​ သေဆုံး

ပုလောမြို့နယ်မှာ စစ်ကောင်စီ ထောင်ထားတဲ့မိုင်းကိုနင်းမိလို့ ကိုယ်ဝန်ဆောင်အမျိုးသမီးတစ်ဦးသေဆုံးခဲ့ပြီး ကလေးတစ်ဦးပြင်းထန်စွာ ဒဏ်ရာရရှိသွားခဲ့တယ်လို့ ဒေသခံတွေရဲ့ ပြောကြားချက်အရ သိရပါတယ်။

ဇန်နဝါရီ ၂၃ ရက် ညနေ ၅ နာရီခွဲအချိန်က ကေအဲန်ယူ-ဘိတ်ထားဝယ်ခရိုင် ပုလောမြို့နယ် ပဝတ်ဖျားကျေးရွာက နေအိမ်တစ်အိမ်ရှေ့မှာ စစ်ကောင်စီ ထောင်ထားတဲ့မိုင်းကိုနင်းမိလို့ အသက်(၂၈)နှစ်အရွယ် ကိုယ်ဝန်ဆောင်အမျိုးသမီးတစ်ဦး ပွဲချင်းပြီးသေဆုံးသွားခဲ့တာပါ။

သေဆုံးသွားတဲ့အမျိုးသမီးဟာ ကိုယ်ဝန်ခြောက်လရှိပြီဖြစ်ပြီး အသက် ၆ နှစ်အရွယ်ရှိတဲ့ သူမရဲ့ကလေးဖြစ်သူကလည်း ပြင်းထန်စွာဒဏ်ရာရရှိခဲ့တယ်လို့ ဒေသခံတွေရဲ့ ပြောကြားချက်အရ သိရပါတယ်။