မကွေးတိုင်း တောတွင်းတစ်နေရာသို့ နယ်မြေရှင်းလင်းရေးစစ်ကြောင်းထိုးလာသည့် စစ်ကောင်စီတပ်အား ကျောင်းသားလက်ရုံးတပ်တော်(Student Armed Force)က ပထမဆုံးအကြိမ်တိုက်ခိုက်ခဲ့ကြောင်းထုတ်ပြန်သည်။
ယနေ့(ဇန်နဝါရီ ၂၄)တွင် အင်အား ၆၀ ခန့်ဖြင့် စစ်ကြောင်းထိုးလာသော စစ်ကောင်စီတပ်အား မကွေးတိုင်းအခြေစိုက် People’s Revolution Alliance(PRA Magway)နှင့်အတူ ပူးပေါင်းတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင်ဖော်ပြသည်။ ယခုတိုက်ပွဲသည်ကျောင်းသားလက်ရုံးတပ်တော်အတွက် ပထမဆုံးဖြစ်သည်။
တိုက်ခိုက်မှုကြောင့် ရန်သူဘက်မှ ကိုးဦးသေ ဆုံးပြီး စစ်ကောင်စီတပ်၏စစ်ကြောင်းမှာ တပ်စွဲထားသည့် အနီးစပ်ဆုံးရွာသို့ ပြန်ဆုတ်သွားကြောင်း ထုတ်ပြန်ချက်တွင်ပါရှိသည်။
ကျောင်းသားလက်ရုံးတပ်တော်ကို ယနေ့တိုက်ပွဲနှင့်ပတ်သပ်၍ အသေးစိတ်သိ့ရှိရန် People’s Spring ကဆက်သွယ်မေးမြန်းရန်ကြိုးစားနေသော်လည်း ဆက်သွယ်မရသေးပေ။
ကျောင်းသာလူငယ်များဖြင့် စုစည်းတည် ထောင်ထားသည့် ကျောင်းသားလက်ရုံးတပ်တော်ဖွဲ့ခြင်း၏ အဓိကရည်ရွယ်ချက်မှာ တော်လှန်ရေး၏ တောင်းဆိုချက်ကြောင့်ဖြစ်သကဲ့သို့ ဖက်ဒရယ်နိုင်ငံရေးအမြင်၊ အဖိနှိပ်ခံနှင့် လူမျိုးစုစသည်တို့နှင့် ပိုမိုနည်းစပ်စေရန်ရည်ရွယ်ကြောင်း ယင်းအဖွဲ့က အသိပေးထားသည်။