စစ်ကိုင်းတိုင်း ရွှေဘိုမြို့နယ်ရှိ ရွာစိုးရွာကို စစ်ကောင်စီတပ်က ယနေ့ ညနေပိုင်းတွင် မီးရှို့ခဲ့၍ ညပိုင်းအထိ ကျေးရွာရှိနေအိမ်များ မီးလောင်နေကြောင်း ဒေသခံတစ်ဦးက ပြောသည်။
ယနေ့( ဇန်နဝါရီ ၂၄)မနက်တွင် စစ်ကောင်စီတပ်မှ အင်အား ၂၀၀ ခန့် ရွာစိုးရွာသို့ ဝင်ရောက်စီးနင်းခဲ့ရာ ဒေသခံ ပြည်သူ့ကာကွယ်ရေးတပ်ဖွဲ့ကလည်း ခုခံတိုက်ခိုက်ခဲ့ကြောင်း ၎င်းကပြောသည်။
“သူတို့ဘက်ကလည်း ၁၀ယောက်လောက်သေတယ်လို့ ကြားတယ် စစ်သားတွေဘက်က။ သူတို့က စိတ်ဆိုးပြီးတော့ မီးရှို့တာထင်တာပဲ။ ဗိုလ်ကကို ရှို့ခိုင်းတာတဲ့” ဟု အထက်ပါဒေသခံကပြောသည်။
စစ်ကောင်စီတပ်၏ ဝင်ရောက်စီးနင်းမှုကြောင့် ရွာစိုးရွာ ဒေသခံများ ဖမ်းဆီးခံရမှုများရှိကြောင်း၊ လတ်တလောတွင် ရွာစိုးရွာအပါအဝင် အနီးဝန်းကျင်ရှိ ကျေးရွာများမှလည်း တိမ်းရှောင်နေကြရကြောင်း ဒေသခံက ပြောသည်။
Public Service Announcement
