ထန်တလန်တိုက်ပွဲတွင်ကျဆုံးခဲ့​သောရဲ​ဘော်ဆလိုင်းခွာသင်ထန်းကို သူရဲ​ကောင်းအဖြစ်ဂုဏ်ပြုပြီးအခန်းအနားဖြင့်သဂြိုလ်

ထန်တလန်မြို့တွင် အာဏာသိမ်းစစ်ကောင်စီတပ်နှင့်ချင်း​​ဒေသ ကာကွယ်​ရေးတပ်ဖွဲ့များဖြစ်​သော CDF၊ CNAပူးပေါင်းတပ်ဖွဲ့ တို့ ယမန်နေ့တိုက်ပွဲတွင် ကျဆုံးခဲ့သည့် CDF-ထန်တလန် ရဲဘော်ဆလိုင်းခွာသင်ထန်းကို သူရဲကောင်းအဖြစ်မှတ်တမ်းတင်ပြီး အခမ်းအနားဖြင့်သဂြိုလ်ခဲ့သည်။

ချင်းပြည်နယ်၊ထန်တလန်မြို့တွင် စစ်ကြောင်းထိုးလာသည့် အကြမ်းဖက်စစ်ကောင်စီတပ်ကို ချင်းအမျိုးသားတပ်ဦး(CNA) နှင့် ချင်း​ဒေသကာကွယ်​ရေးအဖွဲ့ CDF-(ထန်တလန်) ပူးပေါင်းတပ်က ဇန်နဝါရီ ၂၇ရက် နံနက်ပိုင်းတွင် တိုက်ခိုက်ခဲ့ရာ စဥ်စစ်ကောင်စီဘက်က ငါးဦးထက်မနည်းသေဆုံးခဲ့သည်။ CDF ထန်တလန် မှရဲဘော် ဆလိုင်းခွာသင်ထန်းသည် စစ်အာဏာရှင်စနစ်အပြီးတိုင်ချုပ်ငြိမ်း​ရေး ၊ ဖက်ဒရယ်ဒီမိုက​ရေစီစနစ်ထူ​ထောင်​ရေးအတွက် ပြည်သူများက​ခုခံတော်လှန်တိုက်ခိုက်သောအဆိုပါတိုက်ပွဲတွင် ပြည်သူများနှင့်နိုင်ငံ​တော်အတွက် အသက်​ပေးလှူသွားသည်။

ရဲဘော် ဆလိုင်းခွာသင်ထန်းသည် အသက် ၂၅ နှစ်ဝန်းကျင်သာရှိသေးသည့် လူငယ်တစ်ဦးဖြစ်သည်။ ၎င်း၏ ဇာတိကျေးရွာတွင် အခမ်းအနားဖြင့် သဂြိုလ်ခဲ့ပြီးသူရဲကောင်းတစ်ဦးအဖြစ် မှတ်တမ်းတင်ထားမည်ဖြစ်​ကြောင်းCDF-ထန်တလန်မှ တပ်ဖွဲ့ဝင်တစ်ဦးကပြောသည်။

ချင်းပြည်နယ် ထန်တလန်နှင့်မင်းတပ်မြို့တွင် ဒေသခံပြည်သူ့ကာကွယ်ရေးတပ်များနှင့် အကြမ်းဖက်စစ်ကောင်စီကြားယနေ့ (ဇန်နဝါရီ ၂၈ရက်)လည်း တိုက်ပွဲဆက်လက်ဖြစ်ပွားနေ​ကြောင်း ဒေသခံများကပြောသည်။

Public Service Announcement

ချင်းပြည်နယ်တွင် အာဏာသိမ်းစစ်​ကောင်စီ၏ဖိနှိပ်မှုများ​ကြောင့် ၂၀၂၁ ဧပြီလမှစ၍​ဒေသခံတိုင်းရင်းသားပြည်သူများက လက်နက်ဆွဲကိုင်​ခုခံတိုက်ခိုက်ခဲ့ရာ ရှစ်လခန့်အတွင်း စစ်​ကောင်စီတပ် ၁၀၈၉ ဦး​သေဆုံးခဲ့သည်။