စစ်ကောင်စီတပ်မှ တိုက်လေယာဉ်ဖြင့် ဗုံးကြဲဟုဆို
ကရင်နီ(ကယား)ပြည်နယ် လွိုင်ကော်မြို့နယ်ရှိ ကျောင်းကုန်းရွာနှင့် ကုန်းဆွတ်ကျေးရွာ အနီး စစ်ကြောင်းထိုးဝင်လာသော အကြမ်းဖက်စစ်ကောင်စီတပ်နှင့် တိုက်ပွဲဖြစ်ရာ စစ်ကောင်စီတပ်သားများ ထိခိုက်သေဆုံးမှုများပြားဟု ပြည်သူ့ကာကွယ်ရေးတပ် – လွိုင်ကော်က ထုတ်ပြန် သည်။
တိုက်ပွဲမှာ ယနေ့(ဇန်နဝါရီ ၂၈ ရက်) ညနေ ၃ နာရီခန့်မှ စတင်ဖြစ်ပွားကာ ၄၅ မိနစ်ခန့် ကြာမြင်ခဲ့ပြီး အကြမ်းဖက်စစ်ကောင်စီတပ်မှ အင်အား ၁၅၀ ခန့်ပါရှိကြောင်း လွိုင်ကော် PDF က ဆိုသည်။
ထိုတိုက်ပွဲတွင် ကရင်နီအမျိုးသားတပ်မတော် KNDF နှင့် လွိုင်ကော် PDF တို့က ခုခံတိုကိခိုက်ခဲ့သည်။
Public Service Announcement
အကြမ်းဖက်အဖွဲ့ဝင်များ အလစ်အငိုက် အတိုက်ခိုက်ခံလိုက်ရပြီးနောက်ထိခိုက်ကျဆုံးမှုများကြောင်း လွိုင်ကော် PDF ၏ မြေပြင်ရဲဘော်များမှ အတည်ပြုသည်။
ထို့ကြောင့် အကြမ်းဖက်စစ်ကောင်စီတပ်က ညနေ ၅ နာရီခန့်တွင် jet fighter လေယာဉ်နှစ်စီးဖြင့် တိုက်ပွဲဖြစ်ပွားရာ နေရာများသို့ လာရောက် ဗုံးကြဲတိုက်ခိုက်ခဲ့သည်။
သို့သော် ပြည်သူ့ကာကွယ်ရေးတပ်ဘက်မှ ထိခိုက်ကျဆုံးမှု မရှိကြောင်း ထုတ်ပြန်ချက်၌ ဖော်ပြသည်။
