တမူး-ကလေး အာရှလမ်းမကြီးတစ်လျှောက် နေရာအနှံအပြားတွင် အကြမ်းဖက်စစ်ကောင်စီနှင့်တိုက်ပွဲများ ဖြစ်ပွားနေသောကြောင့် ယင်းလမ်းပိုင်းအားယနေ့လုံးဝမဖြတ်သန်းရန် တမူးမြို့ပြည်သူ့ကာကွယ်ရေးတပ်ဖွဲ့က အရေးပေါ်
သတိပေးချက်ထုတ်ပြန်သည်။
တမူး-ကလေး အာရှလမ်းမကြီးလမ်းပိုင်း လတ်တလော အခြေအနေကို တမူးမြို့ပြည်သူ့ကာကွယ်ရေးတပ်ဖွဲ့- People’s Defence Force (Tamu)တပ်ရင်း (၃)က ယနေ့ ( ဇန်နဝါရီ ၃၀)နေ့လယ် ၁၂နာရီခန့်တွင် အရေးပေါ် ထုတ်ပြန်ခြင်းဖြစ်သည်။
“ယခုအချိန်အခါတွင် မိမိတို့ပြည်သူ့ကာကွယ်ရေးတပ်ဖွဲ့ဝင်များနှင့် စစ်ကောင်စီတပ်ဖွဲ့များအကြား တမူး-ကလေး အာရှလမ်းမကြီးတစ်လျှောက် နေရာအနှံအပြားတွင် ထိတွေ့တိုက်ပွဲများ ဖြစ်ပွားလျက်ရှိပါသည်။
သို့ဖြစ်ပါ၍ မိဘပြည်သူလူထုများအနေဖြင့်လက်ရှိအရေးပေါ်ကာလအတွင်း အိမ်စီးကားများ၊ ခရီးသည်တင်ကားများ၊ ကုန်ကားများနှင့်အရေးပေါ်လူနာတင်ယာဉ်များစသည့် မည်သည့်ယာဉ်အမျိုးအစားမှ ဖြတ်သန်းသွားလာခြင်းလုံးဝ(လုံးဝ)မပြုလုပ်ကြပါရန် အထူးသတိပေး ကြေညာအပ်ပါသည်” ဟု ထုတ်ပြန်ထားသည်။
Public Service Announcement
