မွန်ပြည်နယ် ကျိုက်ထိုမြို့နယ်ရှိ အခွန်ဌာနနှင့် စည်ပင် ဌာနတို့အား ဖောက်ခွဲတိုက်ခိုက်ခဲ့ကြောင်း ကျိုက်ထိုတော်လှန်ရေးအင်အားစု(KRF) က ထုတ်ပြန်သည်။
ယနေ့(ဇန်နဝါရီ ၃၁ ရက်)နံနက် ၉ နာရီ ၄၀ခန့်က ကျိုက်ထိုမြို့နယ် အခွန်ဦးစီးဌာနကို ကနဦး ဖောက်ခွဲခဲ့ပြီး နံနက် ၁၀ နာရီခွဲခန့်တွင် စည်ပင်ဌာနကို ပစ်မှတ်ထားသည့် ဖောက်ခွဲမှုပြုလုပ်ခဲ့သည်ဟု KRFက ဆိုသည်။
“အခု ဒီနေ့ အခွန်ဌာနနဲ့ အခွန်ဦးစီးမှူးတို့ကအခွန်များကို အတင်းအဓ္ဓမ ခြမ်းခြောက်ကောက်ခံနေတယ်ဆိုတာကိုသိရလို့ ဖောက်ခွဲသတိပေးခဲ့ပါတယ်။ Silent Strike မှာ မပါဝင်ဖို့ ဖိအားပေးဆိုင်ဖွင့်ခိုင်းတယ်လို့သိရသလို စျေးသည်တွေအပေါ်လည်း စည်ပင်ခွန် မတရားကောက်ခံနေတယ်လို့သိရတဲ့အတွက် ဖောက်ခွဲခဲ့တာဖြစ်ပါတယ်”ဟု KRF တာဝန်ရှိသူက လူထုနွေဦးသို့ ပြောသည်။
၎င်းက ဆက်လက်၍”ဝန်ထမ်းတွေမထိအောင် အတတ်နိုင်ဆုံး လျှော့ပေါ့ တိုက်ခိုက်ခဲ့ပါတယ်။ ဆက်လုပ်မယ်ဆိုရင်တော့ ကျနော်တို့ ထိရောက်စွာတိုက်ခိုက်သွားမှာပါ”ဟု ပြောသည်။
Public Service Announcement
ထို့အပြင် ဖေဖော်ဝါရီ ၁ရက်တွင် ကျိုက်ထိုမြို့ ၌ တပ်ထောက်ခံပွဲ ပြုလုပ်မည်ဟု စုံစမ်းသိရှိရပြီး ယင်းတပ်ထောက်ခံပွဲသို့ ပြည်သူများအနေဖြင့် သွားရောက်ခြင်း မပြုရန် သတိပေးသည်။
အဆိုပါပွဲတွင် ထိခိုက်မှုတစ်စုံတစ်ရာ ပေါ်ပေါက်ခဲ့ပါက KRF မှ တာဝန်ယူမည် မဟုတ်ကြောင်း လည်းအသိပေးသည်။
