Connect with us

Hi, what are you looking for?

သတင်း

တပ်မ(၄၄)က ကျိုက်ထိုမြို့နယ်ရှိ ရွာတွေကို လက်နက်ကြီး၊ ဒရုန်းတွေနဲ့ ပစ်ခတ်တိုက်ခိုက်

ကလေးငယ် ၁ဦး သေဆုံး၊ နေအိမ်အချို့ ပျက်စီး

(စစ်တပ် ပစ်ခတ်မှုကြောင့် ကျိုက်ထိုမြို့နယ်အတွင်းက နေအိမ် ထိမှန်ပျက်စီးနေတာကို တွေ့ရစဉ်။ ဓာတ်ပုံ - ပေးပို့)

အောက်တိုဘာ ၄၊ ၂၀၂၆။ ထားမြတ်/People’s Spring

အာဏာသိမ်းစစ်တပ်ရဲ့ တပ်မ(၄၄) လက်အောက်ခံတပ်တွေဟာ မွန်ပြည်နယ် ကျိုက်ထိုမြို့နယ်အတွင်းက ကျေးရွာတွေကို လက်နက်ကြီး၊ ဒရုန်းတွေနဲ့ တိုက်ခိုက်တာတွေ ဆက်လက်ပြုလုပ်ခဲ့ကြောင်း ကရင်အမျိုးသားအစည်းအရုံး(KNU) သထုံခရိုင် သတင်းရင်းမြစ်က ပြောပါတယ်။

KNU တပ်မဟာ(၁) သထုံခရိုင်နယ်မြေဖြစ်တဲ့ ကျိုက်ထိုမြို့နယ်မှာ လတ်တလောတိုက်ပွဲမရှိဘဲ တပ်မ(၄၄)လက်အောက်ခံတပ်တွေက မြို့နယ်အတွင်း ကျေးရွာတွေကို အောက်တိုဘာ ၂ရက် ညပိုင်းကလက်နက်ကြီး၊ ဒရုန်းတွေနဲ့ နေ့စဉ်တိုက်ခိုက်နေတယ်လို့ ဆိုပါတယ်။

အောက်တိုဘာ ၂ရက်ညပိုင်းက ကျိုက်ထိုမြို့နယ် ဝင်းကလောကျေးရွာအုပ်စု ဆောင်နိုင်ကြီးရွာအနီးကို စစ်တပ်ရဲ့ ခမရ(၂၀၇) တပ်ရင်းက အသေခံ ဒရုန်းနဲ့တိုက်ခိုက်ခဲ့သလို တချိန်တည်းမှာ တပ်မ(၄၄) ဌာနချုပ်က လက်နက်ကြီး ၂လုံး၊ အမြောက်တပ်က ၁၂၀ မမ လက်နက်ကြီး ၁လုံး ပစ်ခတ်ခဲ့တာလို့ သတင်းရင်းမြစ်က ပြောပါတယ်။

Public Service Announcement

Public Service Announcement

အဲဒီ တိုက်ခိုက်မှုတွေမှာ အရပ်သား ပြည်သူသေဆုံးထိခိုက်မရှိပေမဲ့ အဆောက်အဦးနဲ့ ဥယျဉ်ခြံပျက်စီးမှု အချို့ရှိခဲ့ပါတယ်။

အောက်တိုဘာ ၂ရက်မှာပဲ တပ်မ (၄၄)က တိုက်ပွဲဖြစ်ပွားမှုမရှိဘဲ ကျိုက်ထိုမြို့နယ် ဇီးကုန်းရွာကို လက်နက်ကြီးနဲ့ ပစ်ခတ်ခဲ့လို့ အသက် ၃နှစ် အရွယ် ကလေးငယ် သေဆုံးခဲ့ရပါတယ်။

ဒါ့အပြင် စစ်တပ်ပစ်ခတ်တဲ့ လက်နက်ကြီးဟာ ကျိုက်ထိုမြို့နယ် မဲရုံကြီးရွာ သုဿန်အနီး ပေါက်ကွဲခဲ့လို့ အမျိုးသား ၁ဦး ဒဏ်ရာရခဲ့ကြောင်း KNU သထုံခရိုင် သတင်းရင်းမြစ်က ပြောပါတယ်။

စက်တင်ဘာလကုန်ပိုင်းကလည်း ကျိုက်ထိုမြို့နယ် ကျောက်ဖျာ၊ ဝင်းကံ၊ ခရွဲ၊ ငှက်ပျောတော စတဲ့ ကျေးရွာအုပ်စုတွေအပါအဝင် ဒေသတွင်းက ကျေးရွာတွေကို တိုက်ပွဲမရှိဘဲ စစ်တပ်က တိုက်ခိုက်မှုတွေ လုပ်ဆောင်ခဲ့လို့ ပြည်သူထိခိုက်သေဆုံးမှုတွေရှိခဲ့ပါတယ်။

ဆက်စပ်သတင်းများ

သတင်း

စစ်ကြောင်း မိုင်းဆွဲခဲ့ရပြီးနောက် တဲကြီးရွာကို မီးဝင်ရှို့

ဆောင်းပါး

"ရှေ့ဆောင် နွား ဖြောင့်ဖြောင့်သွားက နောက်နွား တစ်သိုက် ဖြောင့်ဖြောင့် လိုက်၏" တဲ့။

သတင်း

ကရင်ပြည်နယ်၊ ကော့ကရိတ်မြို့နယ်က စစ်တပ် တပ်စွဲရာ နေရာ ၃ခုကို ဒရုန်းနဲ့ တိုက်ခိုက်ခဲ့ကြောင်း ရာမညမွန်တပ်တော်(RMA)က သတင်းထုတ်ပြန်ပါတယ်။

သတင်း

မကွေးတိုင်း၊ မင်းတုန်းအနောက်ခြမ်းက အာဏာသိမ်းစစ်တပ်ရဲ့ ပွိုင့်ကုန်းစခန်းတွေကို တော်လှန်ရေးတပ်တွေက တန်ပြန်ထိုးစစ်ဆင်နေတယ်လို့ မြေပြင်စစ်ရေး သတင်းရင်းမြစ်တချို့က လူထုနွေဦးကို ပြောပါတယ်။