ကချင်ပြည်နယ် မြစ်ကြီးနားမြို့ လယ်ကုန်းရပ်ကွက်ရှိ ရဲတပ်ရင်းစခန်းတွင် ယနေ့နံနက်က ပေါက်ကွဲမှု ဖြစ်ပေါ်ခဲ့ပြီးနောက် ရဲတပ်ရင်းရှိ စစ်ကောင်စီလက်ပါးစေများက ရမ်းသမ်းပစ်ခတ်ရာ နေအိမ်ထဲ၌ ရှိနေသည့် (၇)နှစ်အရွယ် ကလေးငယ်တစ်ဦး ကျည်ထိမှန်သေဆုံးခဲ့သည်ဟု မြို့ခံတစ်ဦးက ပြောသည်။
ကျည်ဆန်မှာ ရဲတပ်ရင်းအနီးရှိ နေအိမ်နံရံကို ဖောက်ပြီး ကလေးငယ်ကို ထိမှန်ခဲ့ခြင်းဖြစ်သည်။
“အလောင်းတော့ ပြန်မပေးသေးဘူးလို့ပြောတယ်။ အစက အဲဒီမှာ ပေါက်ကွဲတော့ ရမ်းပစ်တယ်လို့ပြောတယ်။ သူတို့ အဲဒီမှာ ရဲတပ်ရင်း(၃၀) ရှိတယ်။ အဲဒီမှာ ပေါက်ကွဲတော့ ရမ်းပစ်တာ။” ဟု မြစ်ကြီးနားမြို့ခံတစ်ဦးက ပြောသည်။
