မကွေးတိုင်း ဆောနှင့် လောင်းရှည်မြို့တို့မှ အကြမ်းဖက်စစ်ကောင်စီအခြေစိုက်နေရာနှစ်ခုအား ပြည်သူ့ကာကွယ် ရေးပူးပေါင်းအဖွဲ့များ တိုက်ခိုက်ရာ စစ်ကောင်စီတပ်မှ အရာရှိတစ်ဦးအပါအဝင် နှစ်ဦးသေဆုံးကြောင်း Yaw Defence Forceက ယနေ့(ဖေဖော်ဝါရီ ၅ ရက်) ထုတ် ပြန်သည်။
တိုက်ပွဲဖြစ်စဥ်နှစ်ခုအနက် ဖေဖော်ဝါရီ ၄ရက် နံနက် ၄ နာရီခွဲခန့်တွင် PDF – Saw နှင့် YDF(Saw&Kyaukhtu) ပူးပေါင်းအဖွဲ့မှ ဆောမြို့တွင်းရှိ အရာရှိများတပ်စွဲထားရာနေရာနှင့် စစ်ကောင်စီထောက်တိုင်များအား တိုက်ခိုက်ခဲ့သည်။
ထို့နောက် နံနက် ၇နာရီခန့်တွင် PDF – Laung She (LRPDF)နှင့် YDF (Saw& Kyaukhtu) အဖွဲ့များပူးပေါင်းပြီး လောင်းရှည်မြို့ မီးသတ်ကုန်းတွင် တပ်စွဲထားသော စစ်ကောင်စီတပ်များအား ပစ်ခတ်တိုက်ခိုက်ခဲ့သည်။
ထိုတိုက်ပွဲမှာ ၂နာရီခန့် ကြာမြင့်ခဲ့ပြီး အကြမ်းဖက်စစ် တပ်ဘက်မှ ဒုဗိုလ်တစ်ဦးနှင့် တပ်သားတစ်ဦး သေဆုံးခဲ့သည်။
Public Service Announcement
“နှစ်ဦးသေတယ်ဆိုတာတော့ အတည်ပြုနိုင်တယ်ဗျ။တ ခြားဒီထက်ပိုပြီး စခ တွေဘက်က ထိခိုက်နိုင်တာရှိတယ်” ဟု Yaw Defence Forceမှ တာဝန်ရှိသူတစ်ဦးက လူထုနွေဦးသို့ ပြောသည်။
အကြမ်းဖက်စစ်တပ်၏ လက်နက်ကြီးဖြင့် ပစ်ခတ်တိုက် ခိုက်သောကြောင့် ဒေသခံပြည်သူအချို့ ထိခိုက်ဒဏ်ရာ ရရှိမှုများလည်း ရှိခဲ့သည်ဟုလည်း Yaw Defence Forceက ဆိုသည်။ သို့သော် ပူးပေါင်းကာကွယ်ရေးတပ်ဖွဲ့များဘက်မှ ထိခိုက်ဒဏ်ရာ ရရှိမှုမရှိခဲ့ပေ။
