အကြမ်းဖက်စစ်ကောင်စီက ဝက်လက်မြို့နယ်အတွင်းရှိ အပြစ်မဲ့ပြည်သူ ၆ ဦးကို ရက်ရက်စက်စက် ဖမ်းဆီးသတ်ဖြတ်ခဲ့ခြင်းအပေါ် ဝက်လက်မြို့နယ်ပြည်သူ့အုပ်ချုပ်ရေးအဖွဲ့က ဝမ်းနည်းကြောင်း ထုတ်ပြန်သည်။
ဖေဖော်ဝါရီ ၃ ရက်က ဝက်လက်မြို့နယ် သစ်ဆိမ့်ကြီးကျေးရွားသို့ ဝင်ရောက်စီးနင်းခဲ့သော စစ်ကောင်စီတပ်က ဦးဇော်မင်းထွန်း၊ ဦးမြင့်အောင်၊ ကိုသူရထွန်း၊ ကိုကိုလင်းမောင်၊ ကိုသဲထွန်းအောင်နှင့် ကိုမက်းမင်းထွန်းတို့ ၆ဦးကို မီးရှို့သတ်ဖြတ်ခဲ့ခြင်း ဖြစ်သည်။
“မိမိတို့ ဝက်လက်မြို့နယ်အတွင်းရှိ အပြစ်မဲ့ အရပ်သားပြည်သူ ၆ ဦးအား ယခုလို ရက်စက်စွာ မီးရှို့သတ်ဖြတ်ခံရခြင်းအား ဝက်လက်မြို့ နယ် ပြည်သူ့အုပ်ချုပ်ရေးအဖွဲ့မှ အထူးဝမ်း နည်းစွာ စိတ်မကောင်းဖြစ်ရပါသည်”ဟု ထုတ်ပြန်ချက်တွင် ဖော်ပြသည်။
အကြမ်းဖက်စစ်ကောင်စီမှ သစ်ဆိမ့်ကြီးကျေး ရွာရှိ အပြစ်မဲ့ပြည်သူ ၆ ဦးအား ယခုလို လူသားမဆန်စွာ ရက်ရက်စက်စက် သတ်ဖြတ်ခဲ့ခြင်းအား စစ်ရာဇဝတ်မှုကျူးလွန်ခြင်းအဖြစ် အရေးယူနိုင်ရန် NUG အစိုးရ၏ လမ်းညွှန်မှုအတိုင်း မှတ်တမ်းတင်ထားရှိမည်ဟု ထုတ်ပြန်ထားသည်။
Public Service Announcement
