ယမန်နေ့ (ဖေဖော်ဝါရီ ၉ ရက်) နံနက် ၆နာရီခွဲ ခန့်က မြောင်မြို့မှ ဆင်းလာသော အင်အား ၅၀ ကျော်ပါသည့် အကြမ်းဖက်စစ်ကောင်စီတပ်သည် မြောင်မြို့နယ်ပြည်သူ့ကာကွယ်ရေးတပ်ဖွဲ့ (T.G.R)၏ ထုတ်လုပ်ရေးစခန်းသို့ ဦးတည်လာသောကြောင့် မြောင်မြို့နယ် ပြည်သူ့ကာကွယ်ရေးတပ်ဖွဲ့ (T.G.R) နှင့် (11 Brothers Revolution Force) ပြည်သူ့ကာကွယ်ရေးတပ်တို့ ပူးပေါင်းပြီး အပြန်အလှန် ပစ်ခတ်၍ မိုင်းဆွဲတိုက်ခိုက်ခဲ့ကြောင်း ၎င်းအဖွဲ့များက အသိပေးသည်။
“TGR ထုတ်လုပ်ရေး စခစများဝင်ခဲ့ခြင်းကြောင့် မိုင်းအဝကျွေးထားပါတယ်။ အပြန်အလှန် ပစ်ခက်မှုများရှိပါတယ်။ T.G.R ထုတ်လုပ်ရေးအဖွဲ့ ထုတ်လုပ်ထားသော ရှော့ဒုံးများနဲ့လဲ ပစ်ခတ်တိုက်ထားပါတယ်။ စခစများ စစ်ကြောင်းထိုးရာ လမ်းတစ်လျှောက် ပြည်သူ့အိမ်များ မီးရှို့ခံထားရပါတယ်။T.G.R အဖွဲ့သားများ ဘေးလွတ်ရာသို့ရောက်နေပါတယ်”ဟု T.G.R အဖွဲ့မှ ဗိုလ်တိုက်ဂါးက ပြောသည်။
ထိုတိုက်ခိုက်မှု ဖြစ်စဉ်တွင် အကြမ်းဖက်စစ်သား ၃ဦး တစစီဖြစ်သွားပြီး ၁၀ဦး ဒဏ်ရာအပြင်းထန် ရရှိသွားကြောင်း၊ ပြည်သူ့ရဲဘော်များအားလုံး အထိခိုက်မရှိ အန္တရာယ်ကင်းစွာ ပြန်လည်ဆုတ်ခွာနိုင်ခဲ့ကြောင်း မြောင်မြို့နယ်ပြည်သူ့ကာကွယ်ရေးတပ်ဖွဲ့ (T.G.R)က သတင်းထုတ်ပြန်ခဲ့သည်။
ဖေဖော်ဝါရီ ၅ ရက်ကလည်း မန္တလေးတိုင်း တံတားဦးမြို့မှလာသော အကြမ်းဖက် စစ်ကောင်စီ၏ ကားအသေး ၆ စီးကို TGR ပြည်သူ့ကာကွယ်ရေးတပ်ဖွဲ့( Myaung People`s Defense Force TGR)နှင့်ဇာမဏီပြောက်ကျားတပ်ဖွဲ့တို့မှ ဦးဆောင်ပြီး မဟာမိတ်ညီနောင် ဖြစ်သော Ngazun Fight Stars နှင့်ပူးပေါင်းပြီး မြင်သည်ရွာနှင့် စကားတည် ရွာကြားတွင် မိုင်းခွဲတိုက်ခိုက်ခဲ့ရာ စစ်တပ်ဘက်မှထိခိုက်မှုများ ရှိခဲ့သည်။
Public Service Announcement
