က​လေးမြို့​တောင်ပိုင်းက ၃နာရီကြာတိုက်ပွဲ စစ်​ကောင်စီတပ်သားနှင့် ပျူ ၁၅ဦးထက်မနည်း​သေဆုံး

▪️ပြည်သူ့ကာကွယ်​ရေးတပ်မှ ရဲ​ဘော်တစ်ဦးကျဆုံး

စစ်ကိုင်းတိုင်း ကလေးမြို့နယ်တောင်ပိုင်း ကြံသာရွာတွင်တပ်စွဲထားသော အကြမ်းဖက်စစ်ကောင်စီတပ်ဖွဲ့များနှင့် ပျူစောထီးများအား ဝင်ရောက်စီးနင်းတိုက်ခိုက်ရာ ၁၅ ဦးထက်မနည်းသေဆုံးကြောင်း PDF (Kalay) က ထုတ်ပြန်သည်။

ယနေ့(ဖေဖော်ဝါရီ ၁၀)နံနက် ၆ နာရီခွဲမှစတင်၍ PDF (Kalay) ၊ CDF (KKG) ၊ CDF (Hakha) ၊ RKDF နှင့် ပ.က.ဖ ပူးပေါင်းတပ်ဖွဲ့များက ဝင်ရောက်စီးနင်းတိုက်ခိုက်ခဲ့ရာ တိုက်ပွဲဖြစ်ပွားချိန် ၃ နာရီခန့်ကြာမြင့်ခဲ့သည်။

တိုက်ပွဲအတွင်း စစ်ကောင်စီတပ်သားနှင့် ပျူ‌စောထီး ၁၅ ဦး ထက်မနည်းကျဆုံးပြီး အများအပြားထိခိုက်ဒဏ်ရာရရှိသွားကြောင်း က​လေးPDF က ဆိုသည်။

Public Service Announcement

ပြည်သူ့ကာကွယ်ရေးပူးပေါင်းတပ်ဖွဲ့များဘက်မှ CDF (Hakha) ရဲဘော် တစ်ဦး အသက်ပေးဆပ်စွန့်လွှတ်ခဲ့ရပြီး အခြားရဲဘော်တစ်ဦး ထိခိုက်ဒဏ်ရာရရှိခဲ့သည်။

ထို့နောက် ဂန့်ဂေါမြို့နယ်မြောက်ပိုင်း မြောက်ခင်ရန်းရွာနှင့် ဟံသာဝတီရွာဘက်မှ စစ်ကားသုံးစီးဖြင့် စစ်ကောင်စီတပ်ဖွဲ့များ စစ်ကူအင်အားဖြည့်ရောက်ရှိလာသဖြင့် ပြည်သူ့ကာကွယ်ရေးပူးပေါင်းတပ်ဖွဲ့များ ပြန် လည်ဆုတ်ခွာခဲ့သည်။

​ဖေ​ဖော်ဝါရီ ၇ ရက်ကလည်း ကလေးမြို့အတွင်း တိုက်ပွဲ ကြောင့် စစ်ကောင်စီတပ်သား ၁၇ ဦးသေဆုံးကာ ပြည်သူ့ကာကွယ်ရေးရဲဘော်တစ်ဦးကျဆုံးထားသည်။