'/%3E%3C/svg%3E){kind=small}
မန္တလေးမှာ နွေဦးတော်လှန်ရေးကာလအတွင်း ကျဆုံးခဲ့ရသူတွေကို မြုပ်နှံထားရာ အေးရိပ်ငြိမ်သုသာန်က အုတ်ဂူအချို့ ဖျက်ဆီးခံလိုက်ရပါတယ်။
အေးရိပ်ငြိမ်သုသာန်ဟာ ပုသိမ်ကြီးမြို့နယ်ထဲမှာ ရှိတာပါ။ အဲဒီသုသာန်မှာ နွေဦးတော်လှန်ရေးကာလအတွင်း စစ်အုပ်စုလက်ချက်ကြောင့် ကျဆုံးသွားသူတွေကို မြုပ်နှံထားပါတယ်။
မြှုပ်နှံရာမှာ ကျဆုံးသူတွေကို လူထုက နွေဦးတော်လှန်ရေးသူရဲကောင်းအဖြစ် ကဗ္ဗည်းတင်ပြီး ဓာတ်ပုံ ၊အမည် ၊ ကျဆုံးတဲ့ ရက်စွဲ တို့ကို မှတ်တမ်းတင်ထားတာဖြစ်ပါတယ်။
အဲဒီအုတ်ဂူတွေမှာ နွေဦးတော်လှန်ရေးသူရဲကောင်းအဖြစ် မှတ်တမ်းတင်ထားတဲ့စာတမ်းကိုသဘောၤဆေးနဲ့ဖျက်ပစ်ကာ အမည်နဲ့ ဓာတ်ပုံကို ချန်ထားခဲ့တာပါ။
Public Service Announcement
ဒီလို ဖျက်ဆီးခံရတဲ့ ဓာတ်ပုံတွေဟာလည်း လူမှုကွန်ရက်မှာ ပျံနှံ့လာပြီး ဒီလုပ်ရပ်အပေါ် ရှုတ်ချတာတွေရှိနေပါတယ်။
