ကိုးကန့်လက်နက်ကိုင်တပ်ဖွဲ့(MNDAA)နှင့် စစ်ကောင်စီတပ်တို့အကြား တိုက်ပွဲများ ဆက်လက်ဖြစ်ပွားခဲ့ပြီး ဖေဖော်ဝါရီ ၁၃ရက် မူပန်ခရိုင်တိုက်ပွဲ၌ စစ်ကောင်စီတပ်မှ ရှစ်ဦးသေဆုံးကာ MNDAA တပ်ဖွဲ့ဝင်တစ်ဦး ကျဆုံးခဲ့သည်ဟု ထုတ်ပြန်သည်။
ဖေဖော်ဝါရီ ၁၃ ရက် ညပိုင်းက အထူးဒေသ(၁)မူပန်ခရိုင်တွင် တိုက်ပွဲပြင်းထန်စွာ ဖြစ်ပွားခဲ့ရာ စစ်ကောင်စီတပ်က ညသန်းခေါင်းတွင် တိုက်လေယာဉ်များ စေလွှတ်ခဲ့ကြောင်း ဖော်ပြထားသည်။ ထိုသို့ တိုက်လေယာဉ်များလာရောက်ခဲ့သော်လည်း ဗုံးကြဲတိုက်ခိုက်မှု ရှိ၊မရှိ ဖော်ပြမထားပေ။
အပြန်အလှန်ပစ်ခတ်မှုအတွင်း MNDAA မှ ရဲဘော်တစ်ဦးကျဆုံးပြီး တစ်ဦးဒဏ်ရာရခဲ့ကြောင်း၊ စစ်ကောင်စီဘက်မှ ရှစ်ဦးသေဆုံးခဲ့ကြောင်း ထုတ်ပြန် သည်။
စစ်ကောင်စီတပ်သည် ဖေဖော်ဝါရီ၁၄ ရက်ကလည်း MNDAA ထိန်းချုပ်နယ်မြေ မန်ရန်တပ် စခန်းနှင့် ရှိကျိကျတောင်ကုန်နယ်မြေသို့ ပစ်ခတ်တိုက်ခိုက်မှုများလုပ်ဆောင်ခဲ့ကြောင်း ဖော်ပြထားသည်။
Public Service Announcement
