မိုးကုတ်မြို့နယ်အတွင်းက စစ်ကောင်စီရဲ့ ဂွေးပင်ဂိတ် မှာ မနေ့က ဖြစ်ပွားခဲ့တဲ့ ပစ်ခတ်မှုဖြစ်စဉ်မှာ စစ်ကောင်စီတပ်ဖွဲ့ဝင်တွေ ထိခိုက်သေကျေမှုရှိတယ်လို့သိရပါတယ်။
ပစ်ခတ်မှုဖြစ်ပြီးတဲ့နောက် မိုးကုတ် အရှေ့ပိုင်းဆေးရုံကို ဒဏ်ရာနဲ့ ရောက်လာတဲ့ စစ်ကောင်စီတပ်ဖွဲ့ဝင် ဦးရေ ၂၀ နီးပါးရှိတယ်လို့ ဒေသခံအချို့ဆီကသိရပါတယ်။
ဒဏ်ရာပြင်းတဲ့သူတွေကိုတော့ သပိတ်ကျင်း ဖော့တောလမ်း ၇ မိုင်ဘက်မှာရှိတဲ့ ကုတင် ၁၀၀ စစ်ဆေးရုံကို ပို့ဆောင်တာတွေရှိတယ်လို့ဒေသခံအချို့ကဆိုပါတယ်။
ဒါအပြင် မိုးကုတ် -မန္တလေးကားလမ်း ဂွေးပင်ဘုရားအဆင်းအနီးမှာလည်း သေဆုံးနေတဲ့ စစ်ကောင်စီတပ်သားနှစ်ဦးရဲ့အလောင်းတွေကို တွေ့ခဲ့ရသူတွေလည်းရှိတယ်လို့ သိရပါတယ်။ ဒါကိုတော့ သီးခြားအတည်မပြုနိုငသေးပါဘူး။
Public Service Announcement
မနေ့က မနက်ပိုင်း ၅ နာရီလောက်ကစပြီး ဂွေးပင် ဂိတ်နားမှာ ပစ်ခတ်မှုတွေဖြစ်ခဲ့တာပါ။ ဒါကြောင့် အနီးပတ်ဝန်းကျင် ဂွေးပင်ရွာကဒေသခံတွေဟာလည်း ဘေးလွတ်ရာကိုထွက်ပြေးခဲ့ရတယ်လို့သိရပါတယ်။
ပစ်ခတ်မှုတွေဖြစ်ပြီးတဲ့နောက် မိုးကုတ် − မန္တလေး ကားလမ်းပိုင်းကိုပိတ်လိုက်သလို စစ်ဆေးတာတွေကိုလည်း ပြုလုပ်နေတာတွေ့ရပါတယ်။
