ဖာပွန်မြို့အတွင်းမှာရှိတဲ့ စစ်ကောင်စီလက်အောက်ခံ ဌာနဆိုင်ရာအသီးသီးက ဝန်ထမ်းတွေနဲ့ အရပ်သားတွေ မြိုကနေထွက်ခွာနေကြပြီဖြစ်တယ်လို့ ဒေသခံသတင်းရင်းမြစ်တွဆီက သိရပါတယ်။
စစ်ကောင်စီလက်အောက်ခံဝန်ထမ်းတွေအနေနဲ့ ၁၀ ရက်အတွင်းဖာပွန်ကနေထွက်ခွာပေးဖို့ ဇန်နဝါရီ ၂၉ ရက်က ကရင်အမျိုးသားလွတ်မြောက်ရေးတပ်မတော် KNLA တပ်မဟာ ၅ က အသိပေးထုတ်ပြန်ကြေငြာခဲ့တာပါ။
အခုဆိုရင် ရလမ်းကရော ဖာပွန်-ဘီးလင်းလမ်းကရော ပြန်နေကြတာဖြစ်ပြီး မြို့ပေါ်မှာ စစ်တပ်နဲ့ ဒေသခံအချို့ပဲ ကျန်တော့တယ်လို့ ဒေသခံတစ်ဦးက ပြောပါတယ်။
တပ်မဟာ ၅ နယ်မြေထဲမှာ စစ်ကောင်စီရဲ့အုပ်ချုပ်ရေးယန္တရား မလည်ပတ်နိုင်ဖို့KNLA တပ်မဟာ ၅ က ထုတ်ပြန်ခဲ့တာဖြစ်ပြီး မလိုက်နာပါက ထိရောက်စွာအရေးယူဆောင်ရွက်သွားမယ်လို့ ဆိုထားပါတယ်။
Public Service Announcement
စစ်တပ်က အာဏာသိမ်းပြီးတဲ့နောက်ပိုင်း ဖာပွန်ခရိုင်ထဲမှာ စစ်ကောင်စီတပ်နဲ့ ကရင်အမျိုးသားလွတ်မြောက်ရေးတပ်မတော် KNLA တပ်မဟာ ၅ တို့အကြား စစ်ရေးပဋိပက္ခတွေပြင်းထန်နေပြီး စစ်ရေးအခြေအနေကြောင့် ဖာပွန်-ကတိုင်တိ-ကမမောင်းလမ်းနဲ့ ဖာပွန်-ဘီးလင်း ကားလမ်းကိုပိတ်ထားခဲ့ရပြီး ခရီးသွားလာမှုအနေနဲ့ ရေလမ်းခရီးတစ်ခုတည်းကိုသာ အသုံးပြုနေရတာဖြစ်ပါတယ်။
