ရှမ်း-ကယား(ကရင်နီ)ပြည်နယ် အစပ်ရှိ ဖယ်ခုံမြို့နယ် ဝှာရီဆူပလိုင်ကျေးရွာကို အကြမ်းဖက်စစ်ကောင်စီတပ်က မီးရှို့ဖျက်ဆီးလိုက်သောကြောင့် ရွာသူ၊ ရွာသားများ မှာ ရွာလုံးကျွတ်ထွက်ပြေးတိမ်းရှောင်နေရသည့် မြင်ကွင်းများကို KRCက အသိပေးထုတ်ပြန်သည်။
အကြမ်းဖက်စစ်တပ်၏ လက်နက်ကြီး ၊ တိုက်လေယာဥ်တို့ဖြင့် အင်အားသုံးတိုက်ခိုက်ခဲ့သောကြောင့် ဖေဖော်ဝါရီ၁၈ရက် တစ်ရက်အတွင်း မိုးဗြဲအပါအဝင် ဝှါရီဆူပလိုင် ကျေးရွာသူ၊ ရွာသား ထောင်နဲ့ချီဘေးလွှတ်ရာသို့ ထွက်ပြေးတိမ်းရှောင်ခဲ့ရသည်။
ကရင်နီပြည်နယ်(မိုးဗြဲ၊ ဖယ်ခုံ မြို့နယ်တို့ပါ ထည့်သွင်း တွက်ချက်ထား)တွင် အကြမ်းဖက်စစ်ကောင်စီက အာဏာသိမ်းပြီးနောက်ပိုင်း အကြိမ်ကြိမ် ထိုးစစ်ဆင်တိုက်ခိုက်မှုကြောင့် ဒေသခံပြည်သူ နှစ်သိန်းခန့်မှာ နေရပ်စွန့်ခွာ ထွက်ပြေးတိမ်းရှောင်နေရသည်။
ထို့ကြောင့် ကုလသမဂ္ဂအပါအဝင် နိုင်ငံတကာအဖွဲ့အစည်းများ၏ အရေးပေါ် အကူအညီများ လိုအပ်နေကြောင်း ဒေသတွင်းလူမှုကူညီရေး အဖွဲ့တာဝန်ရှိသူများက တောင်းဆိုတိုက်တွန်းနေသည်။
Public Service Announcement
