Connect with us

Hi, what are you looking for?

LuduNwayOo

News

ပူတာအိုရှိ စစ်ကောင်စီတပ်စခန်းတစ်ခုသိမ်းပိုက်နိုင်ရန် နှစ်ရက်ဆက် တိုက်ခိုက်လျက်ရှိဟု KIA အတည်ပြု

ယခု ရှိန်ဂတ်ဘွမ်တပ်စခန်းသည် ဖေဖော်ဝါရီ ၁ရက်က KIAနှင့် PDF ပူးပေါင်းတိုက်ခိုက် သိမ်းပိုက်မီးရှို့ခဲ့သည့် စစ်ကောင်စီ၏ ဆွမ်ပီယန် တပ်စခန်းနှင့် အနည်းငယ်ကွာဝေးကြောင်း ဗိုလ်မှူးကြီးနော်ဘူက ပြောသည်။

KIA တပ်စခန်းဟောင်းနေရာကို ပြန်ရအောင်တိုက်ခိုက်နေခြင်းဟုဆို

ကချင်ပြည်နယ် ပူတာအိုမြို့နယ် ဆွမ်ပီယန်ဒေသရှိ အကြမ်းဖက် စစ်ကောင်စီ တပ်စခန်း တစ်ခုကို ယမန်နေ့မှစ၍ နှစ်ရက်ဆက် တိုက်ခိုက်လျက်ရှိကြောင်း ကချင်လွတ်လပ်ရေး တပ်မတော်(KIA) သတင်းနှင့် ပြန်ကြားရေးဌာန တာဝန်ခံဗိုလ်မှူးကြီးနော်ဘူက အတည်ပြုသည်။

ရှိန်ဂတ်ဘွမ်အမည်ရှိ တောင်ကုန်း၌ တပ်စွဲထားသည့် စစ်ကောင်စီတပ်စခန်းကို KIAနှင့် ပြည်သူ့ကာကွယ်ရေးတပ် ပူးပေါင်း၍ သွားရောက်တိုက်ခိုက်နေခြင်း ဖြစ်သည်။

“မနေ့က ညနေပိုင်းက ဆွမ်ပီယန် အရှေ့ဘက်အခြမ်းမှာ ကျွန်တော်တို့ ကချင် အခေါ်အဝေါ်နဲ့က ရှိန်ဂတ်ဘွမ် လို့ခေါ်တယ်။ အဲဒီစစ်တပ်ရဲ့ တပ်စခန်းတွေ အဲဒီနားမှာ တိုက်ပွဲဖြစ်တာရှိပါတယ်။ မနေ့ကဖြစ်တယ်။ ဒီမနက်ဖြစ်တယ် အခုလည်း သူတို့ အချင်းချင်း ဝိုင်းနေတဲ့ အနေအထားဖြစ်ပါတယ်။ မြေပြင်သတင်း ပြည့်ပြည့်စုံစုံကတော့ သူတို့ဆီက ပို့လာတာမရှိသေးပါဘူး” ဟု ဗိုလ်မှူးကြီးနော်ဘူက ပြောသည်။

Public Service Announcement

Public Service Announcement

ကချင်သတင်းဌာန Kachinwaves ၏ တိုက်ပွဲသတင်းတွင် ရှိန်ဂတ်ဘွမ်တိုက်ပွဲ၌ ယနေ့ စစ်ကောင်စီတပ်မှ ငါးဦးသေဆုံးပြီး ယမန်နေ့က သုံးဦးသေဆုံးကြောင်း ဖော်ပြထားသည်။

ယခု ရှိန်ဂတ်ဘွမ်တပ်စခန်းသည် ဖေဖော်ဝါရီ ၁ရက်က KIAနှင့် PDF ပူးပေါင်းတိုက်ခိုက် သိမ်းပိုက်မီးရှို့ခဲ့သည့် စစ်ကောင်စီ၏ ဆွမ်ပီယန် တပ်စခန်းနှင့် အနည်းငယ်ကွာဝေးကြောင်း ဗိုလ်မှူးကြီးနော်ဘူက ပြောသည်။

“အရင် ဖေဖော်ဝါရီ ၁ရက်နေ့က တိုက်တာက ဆွမ်ပီယန်ရွာကနဲ့ နည်းနည်းဝေးတဲ့နေရာက တပ်စခန်းတစ်ခုဖြစ်ပါတယ်။ အခုပြန်တိုက်တာကတော့ ရွာကနေ ဒီထက်ပိုပြီးမှ ဝေးတာပေါ့။ အဲဒီနေရာမှာ တောင်တစ်တောင်မှာရှိနေတဲ့ တပ်စခန်းဖြစ်ပါတယ်။ အဲဒီ တပ်စခန်းကတော့ အရင်တုန်းက ကျွန်တော်တို့ KIOတွေထိုင်တဲ့ တပ်စခန်းဖြစ်ပါတယ်။ သူတို့က တိုက်ခိုက်လာ လို့ ကျွန်တော်တို့ စွန့်လွှတ်သွားတဲ့ တပ်စခန်းဖြစ်ပါတယ်။ အဲဒီနေရာမှာ ကျွန်တော်တို့ က ပြန်တိုက်တာဖြစ်ပါတယ်”ဟု ဗိုလ်မှူးကြီး နော်ဘူက ပြောသည်။

KIAနှင့် အကြမ်းဖက်စစ်ကောင်စီတပ်တို့သည် မံစီမြို့နယ်နှင့် မိုးမောက် မြို့နယ်တို့၌လည်း ယခုရက်ပိုင်းအတွင်း တိုက်ပွဲဖြစ်ပွားခဲ့သည်။

ဆက်စပ်သတင်းများ

မေးမြန်းခန်း

အာဏာသိမ်းစစ်​ကောင်စီအ​ပေါ် ပတ္တနိက္ကုဇ္ဇန ကံဆောင်သပိတ် စတင်ပြုလုပ်ရခြင်းနှင့်ပတ်သက်၍ သပိတ်ဦးဆောင်ရာတွင်ပါဝင်သည့် ချောင်းဦးဆရာတော်နှင့် လူထုနွေဦး၏ ​မေးမြန်းခန်းကို ဖော်ပြလိုက်ပါသည်။

သတင်း

တအာင်းဒေသ လက်ရှိ စစ်ရေး၊နိုင်ငံရေး အခြေအနေများနှင့်ပတ်သက်ပြီး ဗိုလ်ချုပ်တားဘုန်းကျော်၏ ပြောကြားချက်များကို TNLA သတင်းပြန်ကြားရေးဌာနက ဖော်ပြခဲ့ခြင်းဖြစ်သည်။

သတင်း

ပတ္တနိက္ကုဇ္ဇန ကံဆောင်သပိတ်အား ယမန်နေ့ (ဇွန်လ ၂၃ ရက်​)တွင် စစ်ကိုင်းတိုင်း၊ ချောင်းဦးမြို့နယ်တနေရာရှိ ဘုရားတစ်ဆူတွင် သံဃာတော်များစုဝေး၍ စတင်ပြုလုပ်ခဲ့သည်။

မေးမြန်းခန်း

ပင်လောင်းမြို့နယ်အတွင်း စစ်ဘေးရှောင်အရေးကူညီနေသည့် Kayan Rescue Committee မှ ကိုချမ်းအေးကို လူထုနွေဦး(People's Spring )က ဆက်သွယ်မေးမြန်းထားပါသည်။