အာဏာသိမ်းတဲ့ ပြီးခဲ့တဲ့နှစ် ဖေဖော်ဝါရီလ ၁ ရက်နေ့ကတည်းက ဖမ်းဆီးခံထားရတဲ့ စာရေးဆရာ မောင်သာချိုနဲ့ ဦးထင်လင်းဦးတို့ကို ဒီနေ့မှာ အမိန့်ချလိုက်တယ်လို့ သိရပါတယ်။
သူတို့ ၂ ဦးကို နိုင်ငံမတည်မငြိမ်ဖြစ်အောင်လှုံဆော်မှု ရာဇသတ်ကြီးပုဒ်မ ၅၀၅ (က) နဲ့ စစ်ကောင်စီက ဖမ်းဆီးတရားစွဲထားတာပါ။
ဒီနေ့အမိန့်ချရာမှာ စာရေးဆရာမောင်သာချိုကို ထောင်ဒဏ် ၂ နှစ် ၊ ဦးထင်လင်းဦးကို အလုပ်နဲ့ ထောင်ဒဏ် ၃ နှစ်ချလိုက်တယ်လို့ သိရပါတယ်။
စာရေးဆရာမောင်သာချိုကိုလွန်ခဲ့တဲ့ ၈ နှစ်က ဂျာနယ်တစ်စောင်မှာ ရေးသားတဲ့ ကိစ္စနဲ့ပတ်သက်ပြီး တရားစွဲတာပါ။
Public Service Announcement
စာရေးဆရာ ဦးထင်လင်းဦးကိုတော့ အာဏာသိမ်းတဲ့မနက်ပိုင်းက အခြေအနေတွေ Live လွှင့်တာကို အကြောင်းပြကာ တရားစွဲခဲ့တာလို့ ရှေ့နေအသိုင်းအဝိုင်းကနေသိရပါတယ်။
